ភ្នំពេញ ៖ ក្នុងឱកាស អញ្ជើញជាអធិបតី ដ៏ខ្ពង់ខ្ពស់ ពិធីប្រគល់សញ្ញាបត្រ ដល់និស្សិត នៃសាកលវិទ្យាល័យ វិទ្យាសាស្រ្តសុខាភិបាល ចំនួន ២,៥៨៨នាក់ នៅថ្ងៃទី១៦ ខែធ្នូ ឆ្នាំ២០១៩ សម្ដេចតេជោ នាយករដ្ឋមន្រ្តី បានអំពាវនាវ ដល់គ្រូពេទ្យទាំងអស់ ត្រូវប្រកាន់ភ្ជាប់ ជាមួយសីលធម៌ របស់គ្រូពេទ្យ។
ដោយសម្ដេចគូសបញ្ជាក់ថា “សីលធម៌របស់គ្រូពេទ្យ គឺជាថ្នាំមួយមុខ សម្រាប់ការលើក ទឹកចិត្តរបស់អ្នកជំងឺ! អ្នកជំងឺទោះបីមិនទាន់ទទួលបាននូវការព្យាបាល ពីសំណាក់គ្រូពេទ្យក៏ដោយ ឲ្យតែមានការរាក់ទាក់ ពីគ្រូពេទ្យជាមុន ទោះជាព្យាបាលមិនកើតយ៉ាងណា ក៏ពួកគាត់អស់ចិត្តដែរ”៕
