ភ្នំពេញ៖ ស្នងការដ្ឋាននគរបាល រាជធានីភ្នំពេញ ចាប់ពីថ្ងៃចន្ទ ទី៩ ខែមីនា ឆ្នាំ២០២០ នេះ តទៅ នឹងចាប់ផ្តើមចុះអនុវត្តរឹតបន្តឹង ច្បាប់ចរាចរណ៍ផ្លូវគោក ចាប់ពីម៉ោង ២៣៖០០នាទី ដល់ម៉ោង២:៣០នាទី រំលងអាធ្រាត្រ ។
សេចក្តីជូនដំណឹងរបស់ ស្នងការដ្ឋាននគរបាល រាជធានីភ្នំពេញ ស្តីពីការចុះរឹតបន្តឹងច្បាប់ចរាចរណ៍ផ្លូវគោក ដើម្បីត្រួតពិនិត្យសារជាតិស្រវឹង ក្រោយពីមានការកើនឡើងនៃចំនួនគ្រោះថ្នាក់ ដែលបង្កឲ្យមានការរងរបួស និងស្លាប់ជាច្រើននាក់ ។
សូមបងប្អូនប្រជាពលរដ្ឋទាំងអស់ ចូលរួមសហការ និងគោរពច្បាប់ចរាចរណ៍អោយបានគ្រប់ៗគ្នា ព្រោះសមត្ថកិច្ចធ្វើការអនុវត្តច្បាប់នេះ ក្នុងគោលបំណងដើម្បីការពារ អាយុជីវិតរបស់ប្រជាពលរដ្ឋទូទៅ ។ បើស្រវឹង សូមកុំបើកបរ ៕
