លោក ខៀវ កាញារីទ្ធ ៖ បួងសួងបងប្អូនដែលសំរុក ទៅស្រុកបានទៅដល់គោលដៅ ដោយសុវត្ថិភាព និងកុំភ្លេចការពារខ្លួន

ភ្នំពេញ៖ រដ្ឋមន្រ្តីក្រសួងព័ត៌មាន ខៀវ កាញារីទ្ធ នៅយប់រំលងអាធ្រាត ចូលថ្ងៃទី១០  ខែមេសា ឆ្នា២០២០ បានបង្ហាញនូវការបួងសួងរបស់លោក  សូមអោយប្អូនដែលសំរុក  ទៅស្រុកបានទៅដល់គោលដៅដោយសុវត្ថិភាព   និងកុំភ្លេចការពារខ្លួន។

តាមបណ្តាញសង្គមហ្វេសប៊ុក លោករដ្ឋមន្រ្តី  បានលេីលឡេីងថា” មកដល់បច្ចុប្បន្ន យើងមានជោគជ័យព្រោះអ្នកឆ្លងរោគមានតិច បើសិនជាការឆ្លងរោគឡើងដល់ម៉ឺនដូចប្រទេសគេ សម្ភារៈយើងទ្រោលមិនរួចទេ ពេទ្យយើងក៏មិនមែនម៉ាសុីនធ្វើការ ២៤ ម៉ោងដែរ ហើយឈឺមិនមានអ្នកកំដរទេ ! “។

លោក រដ្ឋមន្រ្តី  បន្ថែមថា  “ថែខ្លួនយើង គឺថែគ្រួសារយើង ថែសហគមន៍យើង ! កុំភ្លេចថាកើតអេដស៍នៅដើរហើរបាន កូវីត១៩ គឺគេឃាំងអោយនៅមួយកន្លែងម្នាក់ឯងហើយ ។”