Covid-19

កម្ពុជា បន្តផ្អាកមិនឲ្យជនបរទេស មកពីប្រទេសចំនួន៦ ចូលកម្ពុជា រហូតដល់ជំងឺកូវីដ១៩ មានការធូរស្រាល

ភ្នំពេញ៖ ដើម្បីទប់ស្កាត់ និងការពាមិនឲ្យមានការចម្លងជំងឺកូវីដ១៩ ពីក្រៅប្រទេសចូលមកក្នុង ប្រទេសកម្ពុជា ក្រសួងការបរទេសខ្មែរ បានសម្រេចបន្តផ្អាកមិនឲ្យ ជនបរទេសមកពីប្រទេសបារាំង អាល្លឺម៉ង់ អ៊ីរ៉ង់ អ៊ីតាលី អេស្ប៉ាញ និងសហរដ្ឋអាមេរិក ចូលមកកម្ពុជា រហូតដល់ស្ថានភាព ជំងឺកូវីដ១៩ មានការធូរស្រាល ។

យោងតាមជូនព័ត៌មាន របស់ក្រសួងការបរទេសខ្មែរ នៅថ្ងៃទី១៦ មេសា បានឲ្យដឹងថា ជាមួយគ្នានេះការផ្អាកគោលការណ៍ លើកលែងទិដ្ឋាការ ការផ្តល់ទិដ្ឋាការទេសចរ ទិដ្ឋាការតាមប្រព័ន្ធអេឡិចត្រូនិច និងទិដ្ឋាការនៅពេលមកដល់ ក៏ដូចជាវិធានការសុខាភិបាលនានា រួមទាំងតម្រូវការវិញ្ញាបនប័ត្របញ្ជាក់សុខភាព និងឯកសារធានារ៉ាប់រងសុខភាព ត្រូវស្ថិតនៅជាធរមានបន្តទៀត។

ក្រសួងការបរទេសបន្ថែមថា រាល់វិធានការរឹតបន្តឹង ការធ្វើដំណើរទាំងអស់ខាងលើនេះ គឺមានលក្ខណៈជាបណ្តោះអាសន្ន និងត្រូវបន្តអនុវត្ត រហូតដល់ស្ថានភាពជំងឺកូវីដ១៩ មានការធូរស្រាល ក្រោយមានការវាយតម្លៃរួមគ្នា រវាងក្រសួងសុខាភិបាល និងអង្គការសុខាភាពពិភពលោក ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top