បរទេស៖ ស្របពេលមានមន្ទិលសង្ស័យ កើនឡើង ជុំវិញទីស្នាក់នៅនិងសុខភាព របស់មេដឹកនាំកូរ៉េខាងជើងនោះ នៅថ្ងៃអង្គារនេះ រដ្ឋមន្ត្រីការបរទេសកូរ៉េខាងត្បូង បាននិយាយថា ការខ្លាចឆ្លងមេរោគកូរ៉ូណា អាចជាហេតុបណ្ដាលឲ្យ លោក គីម ជុងអ៊ុន មិនចូលរួមកម្មវិធីជាតិ សម្រាប់ពេលឈប់សម្រាក ដ៏សំខាន់មួយ នៅពាក់កណ្ដាលខែមេសា។
មន្ទិលសង្ស័យមិនច្បាស់លាស់ ស្តីពីសុខភាពរបស់មេដឹកនាំ កូរ៉េខាងជើងរូបនេះ បានផ្ទុះខ្លាំងឡើង បន្ទាប់ពីអវត្តមាន មិនធ្លាប់មានរបស់លោក នៅក្នុងពិធីដែលប្រារព្ធ ធ្វើរំលឹកខួបជីតា របស់លោក និងជាស្ថាបនិក នៃប្រទេសកូរ៉េខាងជើង គឺលោក គីម ជុងអ៊ីល កាលពីថ្ងៃទី១៥ ខែមេសា។
គួរបញ្ជាក់ថា ស្ថិតក្រោមការដឹកនាំ របស់លោក គីម ជុងអ៊ុន ប្រទេសកូរ៉េខាងជើង បានពង្រីកឃ្លាំង អាវុធនុយក្លេអ៊ែនិងមីស៊ីលផ្លោង ចម្ងាយឆ្ងាយ ហើយជាមួយអ្នកស្នងតំណែង មិនច្បាស់លាស់នោះ ការផ្លាស់ប្តូរណាមួយ ក្នុងថ្នាក់ដឹនាំនៅប្រទេសកុម្មុយនិស្តនេះ នឹងបង្កឲ្យមានក្តីព្រួយបារម្ភ ស្តីពីភាពអសមត្ថភាព ដែលអាចជះឥទ្ធិពល ដល់ប្រទេសអាស៊ីខាងជើង ផ្សេងទៀត និងសហរដ្ឋអាមេរិក ៕
ប្រែសម្រួល៖ប៉ាង កុង
