ភ្នំពេញ៖ នាព្រឹកថ្ងៃទី២៣ ខែកញ្ញា ឆ្នាំ២០២០ អាវុធហត្ថរាជធានីភ្នំពេញ បានចូលរួមប្រជុំស្តីពីការផ្សព្វផ្សាយ អំពីរចនាសម្ព័ន្ធចាត់តាំង កងរាជអាវុធហត្ថ តាមរយៈ Video Conference ក្រោមអធិបតីភាពដ៏ខ្ពង់ខ្ពស់ លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាអាវុធហត្ថលើផ្ទៃប្រទេស។
កិច្ចប្រជុំនេះ ក៏មានការអញ្ជើញចូលរួមពី លោក មេបញ្ជាការរង នាយ នាយរងសេនាធិការ ស្នងការ នាយការិយាល័យជំនាញ លោកនាយកវិទ្យាស្ថាន កងរាជអាវុធហត្ថ កំបូល លោកនាយកមជ្ឈមណ្ឌលហ្វឹកហ្វឺន កងរាជអាវុធហត្ថ ភ្នំជំរាយ ព្រមទាំងលោកមេបញ្ជាការ កងរាជអាវុធហត្ថតាមបណ្តារាជធានី-ខេត្ត ទាំងអស់ផងដែរ។
សមាសភាពចូលរួមប្រជុំ ដោយភ្ជាប់រូបភាពតាមរយៈ Video Conference របស់កងរាជអាវុធហត្ថរាជធានីភ្នំពេញ មានដូចជា លោកឧត្តមសេនីយ៍ត្រី ពង្ស សាវរិទ្ធ មេបញ្ជាការរង ជានាយសេនាធិការ កងរាជអាវុធហត្ថរាជធានីភ្នំពេញ តំណាងឲ្យ លោក ឧត្តមសេនីយ៍ឯក មេបញ្ជាការ និងមានការចូលរួមពី លោកមេបញ្ជាការរង នាយរងសេនាធិការ ប្រធានមន្ទីរ នាយការិយាល័យជំនាញ និង លោកមេបញ្ជាការ មូលដ្ឋានអាវុធហត្ថខណ្ឌ ទាំង១៤៕
