ព័ត៌មានជាតិ

ប៉ូលីសថៃ កំពុងរៀបចំការចោទប្រកាន់ ប្រឆាំងមេដឹកនាំបាតុករ ១៦ នាក់ ដែលដឹកនាំប្រឆាំងរដ្ឋាភិបាល

បរទេស៖ ការិយាល័យប៉ូលីសក្រុង កំពុងរៀបចំការចោទប្រកាន់ជាច្រើនប្រឆាំងមេដឹកនាំ ១៦ នាក់ នៃបាតុកម្មប្រឆាំងរដ្ឋាភិបាល នៅទីក្រុងបាងកក កាលពីចុងសប្តាហ៍មុន។

យោងតាមសារព័ត៌មាន Bangkok Post ចេញផ្សាយនៅថ្ងៃទី២២ ខែកញ្ញា ឆ្នាំ២០២០ បានឱ្យដឹងថា លោកឧត្តមសេនីយ៍ទោ Sukhun Prommayon ស្នងការរងបាននិយាយ នៅថ្ងៃអង្គារថា ការចោទប្រកាន់នឹងត្រូវបាន ធ្វើឡើងប្រឆាំងនឹងក្រុមបាតុករសំខាន់ៗចំនួន ១៦ នាក់ដែលមាន ៣ ក្រុម។

ក្រុមមួយបានប្រមូលមនុស្ស ដែលរៀបចំបាតុកម្មដោយគ្មានការអនុញ្ញាត។ ក្រុមទី២ មានមនុស្សដែល បានអញ្ជើញអ្នកផ្សេងឱ្យចូលរួមក្នុងការប្រមូលផ្តុំនេះ តាមរយៈគ្រប់ប៉ុស្តិ៍។ ក្រុមទីបីរួមមានមនុស្សដែលនិយាយចេញ ពីឆាកបាតុកម្ម។

លោកបាននិយាយថា ប៉ូលីសកំពុងតែបកស្រាយសុន្ទរកថា របស់ពួកគេដែលផ្នែកខ្លះមិនត្រឹមត្រូវ។

ប៉ូលីសទីក្រុងបាងកកក៏កំពុងចាត់វិធានការ តាមផ្លូវច្បាប់ប្រឆាំងនឹងក្រុមបាតុករដែលបានដំឡើង បន្ទះគាំទ្រលទ្ធិប្រជាធិបតេយ្យ នៅក្នុងដី នៅឯ Sanam Luang កាលពីថ្ងៃអាទិត្យ៕

ប្រែសម្រួលៈ ណៃ តុលា 

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top