ព័ត៌មានជាតិ

លោក ម៉ឹង ពន្លក ប្រធាន សមាគមចលនាយុវជនកម្ពុជា (ក្រុម១៥៧) នាំយកអំណោយ ចែកជូនពលរដ្ឋជាង ៥០០គ្រួសារ នៅខេត្តបាត់ដំបង

ភ្នំពេញ៖ នៅថ្ងៃទី១៩ ខែតុលា ឆ្នាំ២០២០ លោក ម៉ឹង ពន្លក ប្រធាន សមាគមចលនាយុវជនកម្ពុជា (ក្រុម១៥៧) សហការជាមួយលោក សូ វិសុទ្ធី ប្រធាន ក្រុមការងាររៀបចំអង្គកាចាត់តាំង យុវជនគណបក្សប្រជាជនកម្ពុជា នៅសហរដ្ឋអាម៉េរិក ទទួលបន្ទុកតំបន់កណ្តាលខាងត្បូង (Central South) និងជា រដ្ឋលេខាធិការ ក្រសួងទេសចរណ៍ តំណាងអោយបងប្អូនប្រជាពលរដ្ឋខ្មែរ-អាម៉េរិកកាំង បានដឹកនាំសមាជិក សមាជិកា នាំយកអំណោយមនុស្សធម៍ របស់សប្បុរសជនទាំងក្នុង-ក្រៅស្រុក មកចែកជូនប្រជាពលរដ្ឋ ដែលរងគ្រោះដោយសារគ្រោះទឹកជំនន់ចំនួន ៥៣៤គ្រួសារ ស្ថិតក្នុងឃុំចំនួន០៥ ក្នុងស្រុកឯកភ្នំ ខេត្តបាត់ដំបង ។

ប្រជាពលរដ្ឋដែលរងគ្រោះ ដោយសារគ្រោះទឹកជំនន់ទាំង ៥៣៤គ្រួសារ រួមមាន៖

-ឃុំព្រែកនរិន្ទ ចំនួន១៤៨គ្រួសារ
-ឃុំពាមឯក ចំនួន១៧២ គ្រួសារ
-ឃុំព្រែកហ្លួង ចំនួន៨៣គ្រួសារ
-ឃុំព្រែកខ្ពប ចំនួន៤៣គ្រួសារ
-ឃុំសំរោងក្នុង ចំនួន៨៨គ្រួសារ

អំណោយដែលក្នុងមួយគ្រួសារ ទទួលបានរួមមាន៖
-អង្ករ ១០គីឡូក្រាម
-មី ១កេស
-អំបិល ១គីឡូ
-ស្កសរ ១គីឡូ
-ទឹកត្រី ១យួរ
-ទឹកស៊ីអ៊ីវ ១យួរ
-ទឹកសុទ្ធ ១យួរ
-ថ្នាំពេទ្យ ១ប្រអប់

បន្ទាប់ពីនោះ ក្រុមការងារនិងអាជ្ញាធរមូលដ្ឋាន ក៏បានបន្តដំណើរនាំយកអំណោយ ដូចបានរៀបរាប់ខាងលើ ចុះចែកដល់ខ្នងផ្ទះប្រជាពលរដ្ឋបន្ថែមចំនួន ២៧គ្រួសារ ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top