ភ្នំពេញ ៖ នាយកដ្ឋានប្រយុទ្ធប្រឆាំងជំងឺឆ្លង CDC បានដាស់តឿនក្រើនរំលឹកឲ្យប្រជាពលរដ្ឋអនុវត្តអនាម័យ នៅឃ្លាតឆ្ងាយពីគ្នាដើម្បីជៀសវាងឆ្លងជំងឺកូវីដ១៩ ខណៈប្រទេសជិតខាងនិងពិភពលោកកំពុងបន្តរាត ត្បាតជំងឺកូវីដ១៩ ដ៏ខ្លាំងក្លានៅឡេីយ ។
បើតាមហ្វេសប៊ុករបស់CDC នៅថ្ងៃទី១៥ ខែវិច្ឆិកា ឆ្នាំ២០២០ “ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសជិតខាងយេីងនិង ពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយ” ។
នាយកដ្ឋានប្រយុទ្ធជំងឺឆ្លងបន្តថា ត្រូវបន្តគម្លាតបុគ្គល បន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ក្នុងនោះត្រូវបន្តពាក់ម៉ាស់នៅពេលចាំបាច់ និងឧស្សាហ៍លាងដៃជាមួយសាប៊ូ អាល់កុល ឬជែល ។
រហូតដល់ម៉ោង ៧និង៣០ ព្រឹកថ្ងៃ១៥ វិច្ឆិកាកម្ពុជាពុំរកឃេីញករណីជំងឺកូវីដ-១៩ ថ្មី ទេ ដូច្នេះចំនួនករណីជំងឺកូវីដ-១៩សរុប ៣០២នាក់ដដែល ចំនួនសំរាក ពេទ្យ១៣នាក់ដដែល និងចំនួនជាសះស្បេីយសរុប ចំនួន ២៨៩នាក់ដដែល និង ស្លាប់គ្មាន ។
សូមបញ្ជាក់ថា ប្រទេសកម្ពុជារកឃេីញករណីជំងឺកូវីដ១៩ដំបូងបំផុតនៅថ្ងៃទី២៧ ខែមករា ឆ្នាំ២០២០ ។
ដោយបានធ្វេីតេស្តចំនួន២០៨១៥៤ស្មេីនឹង១២៤៦៤ ក្នុង១លាន នាក់៕
