Covid-19

អគ្គមេបញ្ជាការរង៖ ចាក់វ៉ាក់សាំងកូវីដ១៩ មិនយកលុយឡើយ បើបុគ្គលណាយកនឹង ចាត់ការតាមច្បាប់

ភ្នំពេញ៖ នាយឧត្តមសេនីយ៍ ឥត សារ៉ាត់ អគ្គមេបញ្ជា ការរង និងជានាយសេនាធិការចម្រុះ នៃកងយោធពលខេមរភូមិន្ទ ទទួលបន្ទុកការចាក់វ៉ាក់សាំងកូវីដ១៩បាន បញ្ជាក់ថា ការចាក់វ៉ាក់សាំងនេះមិនមាន ការយកថវិកាឡើយ ហើយបើមានបុគ្គលណាទារ នឹងចាត់វិធានការតាមផ្លូវច្បាប់។ នេះបើយោងតាមការចេញផ្សាយរបស់ទទក ។

លោកបន្តថា ប្រជាពលរដ្ឋដែលមានបំណងស្មគ្រចិត្ត ចាក់វ៉ាក់សាំងត្រូវមានអត្តសញ្ញាណប័ណ្ណ សំបុត្រកំណើត និងលិខិតបញ្ជាក់អសយដ្ឋាន និងទីលំនៅច្បាស់លាស់។

ផ្ទាំងពាណិជ្ជកម្ម

យុទ្ធនាការចាក់វ៉ាក់សាំងកូវីដ-១៩ទ្រង់ទ្រាយធំ ជូនប្រជាពលរដ្ឋរស់នៅតំបន់ក្រហម បានធ្វើឡើងចាប់ពីថ្ងៃទី១ ដល់៣០ ខែឧសភា ឆ្នាំ២០២១ ក្នុងខណ្ឌចំនួន៤ ក្នុងភូមិសាស្ត្ររាជធានីភ្នំពេញ គឺខណ្ឌកំបូល ,ពោធិ៍សែនជ័យ , មានជ័យ និងខណ្ឌដង្កោ។ ក្នុងរយៈពេល២ថ្ងៃ នៃយុទ្ធនាការចាក់វ៉ាក់សាំងជូន ប្រជាពលរដ្ឋនៅតំបន់ក្រហម ក្នុងរាជធានីភ្នំពេញ ក្រុមការងារចាក់វ៉ាក់សាំង របស់ក្រសួងការពារជាតិ បានចាក់វ៉ាក់សាំងជូន ប្រជាពលរដ្ឋបានជិត៦ម៉ឺននាក់ ៕

To Top