ព័ត៌មានជាតិ

រដ្ឋមន្ដ្រីព័ត៌មាន ៖ មកទល់ពេលនេះ គ្មានប្រជាពលរដ្ឋណាម្នាក់ ស្លាប់ដោយអត់បាយឡើយ (Video)

ភ្នំពេញ ៖ លោក ខៀវ កាញារីទ្ធ រដ្ឋមន្ដ្រី ក្រសួងព័ត៌មាន បានចោទសួរពួកក្រុមប្រឆាំងថា មកដល់ពេលនេះ មានអ្នកណា ស្លាប់ដោយដាច់បាយឬនៅ? គឺគ្មានឡើយ មានតែអ្នកស្លាប់ដោយសារជំងឺកូវីដ-១៩ប៉ុណ្ណោះ ។ នេះយោងតាមការចេញផ្សាយ AKP។

លោករដ្ឋមន្ដ្រី ចោទសួរបែបនេះ ក្រោយពីមានពួកក្រុមប្រឆាំង នៅក្រៅប្រទេស បានញុះញុង់ ប្រជាពលរដ្ឋខ្មែរ រស់នៅតំបន់ក្រហម ក្នុងរាជធានី ភ្នំពេញ ប្រឆាំងរាជរដ្ឋាភិបាលថា ពួកគាត់គ្មានបាយហូបឡើយ ដោយសារវិធានការបិទខ្ទប់។

លោក ខៀវ កាញារីទ្ធ បានបញ្ជាក់យ៉ាងដូច្នេះថា «អ្វីដែលត្រូវនិយាយ ជាមួយពួកបំផុសរឿងដាច់បាយ។ មកដល់ពេលនេះ មានអ្នកណាស្លាប់ ដោយដាច់បាយឬនៅ? គ្មាន ! តែមានអ្នកស្លាប់ដោយកូវីដ-១៩ ជាង រយហើយ ។ តើក្រុមបំផុសទាំងនេះ ដែលនិយាយ មួយម៉ាត់ណាឲ្យប្រជាជនខ្មែរ រក្សាអនាម័យ រក្សាគម្លាតទេ? គ្មាន!»។

សូមរំលឹកថា កាលពីថ្ងៃទី២ ខែឧសភា ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា បានប្រកាសថា នឹងមិនបន្ដបិទរាជធានីភ្នំពេញ និងតាមបណ្ដាខេត្តទៀតឡើយ គ្រាន់តែបិទតំបន់តូចៗមួយចំនួន មានហានិភ័យខ្ពស់ នៃការឆ្លងរីករាលជំងឺកូវីដ១៩ប៉ុណ្ណោះ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top