ភ្នំពេញ៖ ក្នុងឱកាស ខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២១ នេះ សាខាកាកបាទក្រហមខេត្តកំពង់ចាម បានទទួលថវិកាពីសប្បុរសជនជាង ១២ ម៉ឺនដុល្លារសហរដ្ឋអាមេរិក ។
នាយកប្រតិបត្តិសាខាកាកបាទក្រហមកម្ពុជា ខេត្តកំពង់ចាម លោក ទូច ឆៃ បានឲ្យដឹងថា ក្នុងឱកាសខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២១នេះ មានសប្បុរសជនជាច្រើន និងមន្ត្រីរាជការ ប្រធានមន្ទីរ អង្គភាពជុំវិញខេត្ត បានចូលរួមឧបត្ថម្ភ ថវិកាតាមសទ្ធាជ្រះថ្លា ផ្ដល់ជូនសាខាកាកបាទក្រហមកម្ពុជា ខេត្តកំពង់ចាម បានចំនួនជាង ១២ ម៉ឺនដុល្លារអាមេរិក ទុកសម្រាប់ជួយសង្គ្រោះ ដល់ប្រជាពលរដ្ឋដែលរងគ្រោះមហន្តរាយផ្សេងៗ ។
