ភ្នំពេញ ៖ សហគ្រិនខ្មែរ នៃក្រសួងសេដ្ឋកិច្ច និងហិរញ្ញវត្ថុ បានសហការ ជាមួយអង្គការ យូអិនឌីភី (UNDP) បង្កើតភាពជាដៃគូ យុទ្ធសាស្ត្រមួយ ក្នុងគោលបំណងពន្លឿន ការអភិវឌ្ឍវិស័យពាណិជ្ជកម្ម តាមប្រព័ន្ធ អេឡិចត្រូនិច និងសហគ្រាសខ្នាតតូច និងមធ្យម នៅកម្ពុជា ។ នេះបើតាមការផ្សាយ របស់ UNDP Cambodia នាថ្ងៃ១១ ឧសភា។
ជាមួយនឹងភាពជាដៃគូថ្មី និងការទទួលបាន មូលនិធិបន្ថែមពីសហគ្រិនខ្មែរ គេរំពឹងថា គម្រោងនេះនឹងអាចពង្រីកការ គាំទ្រដល់សហគ្រាស ខ្នាតតូច និងមធ្យម ៥០ បន្ថែមទៀត តាមរយៈសកម្មភាព ចំនួនពីររបស់គម្រោង។
គម្រោងទាំង២នោះគឺ កម្មវិធីបណ្ដុះគំនិតធុរកិច្ច និង កម្មវិធីផ្ដល់ជំនួយខ្នាតតូច ៕
