ភ្នំពេញ ៖ រដ្ឋបាលខណ្ឌជ្រោយចង្វារ នៅថ្ងៃទី៧ ខែកក្កដា ឆ្នាំ២០២១នេះ បានចេញសេចក្ដីសម្រេច ស្ដីពីការផ្អាកដំណើរ ការជាបណ្ដោះអាសន្នផ្សារ «ដើមស្រល់» ដែលមានទីតាំងស្ថិតនៅភូមិ២ សង្កាត់ជ្រោយចង្វារ រាជធានីភ្នំពេញ ដើម្បីទប់ស្កាត់ការឆ្លងរីករាលដាល នៃជំងឺកូវីដ១៩។
យោងតាមសេចក្ដី ប្រកាសព័ត៌មាន បញ្ជាក់ថា «ការផ្អាកដំណើរការ បណ្ដោះអាសន្ននេះ ធ្វើឡើងរយៈពេល១៤ថ្ងៃ ចាប់ពីថ្ងៃទី៧ ខែកក្កដា ឆ្នាំ២០២១ រហូតដល់ថ្ងៃទី២០ ខែកក្កដា ឆ្នាំ២០២១ ដោយសារមានករណីវិជ្ជមានកូវីដ១៩ កើតឡើងថ្មី ក្នុងចំណោមអាជីវករ ដែលកំពុងធ្វើអាជីវកម្ម ក្នុងផ្សារ»៕