ព័ត៌មានជាតិ

ប្រទះឃើញ គ្រាប់បែកដៃ ជាង៣០០គ្រាប់ កប់ក្នុងដីរាប់សិបឆ្នាំ នៅខេត្តសៀមរាប

ភ្នំពេញ៖ លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃមជ្ឃមណ្ឌលសកម្មភាព កំចាត់មីនកម្ពុជា (CMAC) បានឱ្យដឹងថានៅ ថ្ងៃទី១០ ខែកក្កដា ឆ្នាំ ២០២១ នៅសង្កាត់ស្វាយដង្គំ ក្រុងសៀមរាប ខេត្តសៀមរាប ស្ថិតជាប់របងសាលាវិទ្យាល័យ ក្រុមហ៊ុនជីកដីកប់ខែ្សកាប ក៏ជីកប៉ះរណ្តៅគ្រាប់បែកដៃ ដែលនៅចំពោះមុខ យកចេញពីរណ្តៅ បានចំនួន៣២៥គ្រាប់រួចហេីយ។

នៅលើបណ្ដាញសង្គមហ្វេសប៊ុក លោក ហេង រតនា បានបញ្ជាក់ថា «តាមពត៌មានពីការដ្ឋានគឺនៅមានមួយចំនួនទៀត ដែលទាន់អាចយកចេញបាននៅឡេីយ។ គ្រាប់បែកដៃទាំង៣២៥គ្រាប់ ជាប្រភេទគ្រាប់បែកដៃ No36 UK ផលិតនៅប្រទេសអង់គ្លេស ដែលសំណល់ពីសង្គ្រាម ហេីយអាចសំណល់ពីសង្គ្រាមជំនាន់មុនផងដែរ។ គ្រាប់បែកដៃប្រភេទ No36 UK នេះចាប់ផ្តេីមផលិតនិងប្រេីប្រាស់តាំងពីឆ្នាំ១៩១៥មកម្លេះ!»។

លោកបន្តថា នេះហៅថាសំណាងមួយដែរ ធ្វេីរបងសាលាផង ធ្វេីលូរទឹកផង ធ្វេីផ្លូវផង មិនប៉ះ មិនផ្ទុះ តែប៉ះត្រឹមជីកដី ដាក់ខែ្សកាប៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top