ភ្នំពេញ ៖ ជប៉ុនទេ ក្នុងចំណោម៤ ដែលលេចធ្លោ ជាងគេប្រឆាំងចិន ព្រោះជប៉ុន គិតខុសមើលស្រាលចិន ដោយមិននឹកស្មានថា ចិនលេចធ្លោខ្លាំង ដល់កំរិតនេះសោះ ។ នេះជាការលើកឡើង របស់លោក សយ សុភាព ប្រធានសមាគម អ្នកសារព័ត៌មានកម្ពុជា-ចិននាថ្ងៃ១៩ កក្កដា ។
លោកបន្តថា ជប៉ុនឈ្លានពានចិន នៅឆ្នាំ១៩៣១នៅម៉ាន់ជូរី ។ បន្ទាប់បង្កាត់ភ្លើងសង្រ្គាម លោកលើកទី២ ទៀត ។ លោកថា ចិនចាត់ទុកជប៉ុន ជាសត្រូវប្រវត្តិសាស្ត្រជាងអាមេរិក ។ ឥឡូវជប៉ុនទេ ដែលត្រូវភ័យជាងគេ ។ មិនមែនបញ្ហាកោះតៃវ៉ាន់ទេ ។
លោកអះអាងថា ចិនដូចគ្នា ពួកគេនឹងមិនធ្វើសង្រ្គាមទេ ជប៉ុនទេ ដែលគៀងគេឯងមកទប់ឥទ្ធិពលចិន ដោយយកបញ្ហាកោះតៃវ៉ាន់ មកឡប់ឡែនោះ។ នេះហើយភូមិសាស្ត្រនយោបាយតំបន់ និងសកលលោក របស់មហាអំណាច ដែលជាអ្នកបែងចែក ពិភពលោក ។
ការលើកឡើងរបស់លោកនេះ បន្ទាប់ពីសារព័ត៌មានThe Cambodia Daily ចុះផ្សាយថា “ក្រុមប្រទេសចតុភាគី ហៅថា QUAD មានអាមេរិក អូស្រ្តាលី ជប៉ុន និង ឥណ្ឌា រួមជាមួយនឹងប្រទេស៨ទៀត បានចាប់ផ្តើមធ្វើសមយុទ្ធរួមគ្នា នៅក្នុងលំហសមុទ្រ នៃប្រទេសអូស្រ្តាលី ដែលការបង្ហាញ ល្បែងសង្រ្គាមនេះ នៅខណៈច្រកសមុទ្រតៃវ៉ាន់ និងសមុទ្រចិន ខាងកើត រួមមនឹងសមុទ្រចិន ខាងត្បូង កំពុងតែតានតឹងជាខ្លាំង ដោយសារតែចិន បំពារបំពាន ដែនកោះទាំងនោះ” ៕
