ព័ត៌មានជាតិ

សម្ដេចតេជោ ៖ ហាត់ប្រាណគឺជាវិធីដ៏ល្អ សម្រាប់មនុស្សគ្រប់រូប ទាំងអ្នកវិជ្ជមានកូវីដ-១៩ និងអ្នកកំពុងធ្វើចត្តាឡីស័ក

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្តី នៃកម្ពុជា បានលើកឡើងថា ការហាត់ប្រាណ គឺជាវិធីដ៏ល្អ សម្រាប់មនុស្សគ្រប់រូប ដែលអាចហាត់បាន រាប់ទាំងអ្នកមានវិជ្ជមានកូវីដ-១៩ ដែលមិនធ្ងន់ធ្ងរ និងអ្នកកំពុង ធ្វើចត្តាឡីស័ក។

តាមរយៈបណ្ដាញសង្គមហ្វេសប៊ុក នៅរសៀលថ្ងៃទី២០ ខែកក្កដា ឆ្នាំ២០២១នេះ សម្ដេចតេជោ ហ៊ុន សែន នាយរដ្ឋមន្រ្តីនៃកម្ពុជា បានលើកឡើងយ៉ាងដូច្នេះថា «ហាត់ប្រាណគឺជាវិធីដ៏ល្អ សម្រាប់មនុស្សគ្រប់រូប ដែលអាចហាត់បាន រាប់ទាំងអ្នកមានវិជ្ជមានកូវីដ-១៩ ដែលមិនធ្ងន់ធ្ងរ និងអ្នកកំពុង ធ្វើចត្តាឡីស័ក ។ របៀបហាត់ខុសៗគ្នា ទៅតាមចំណូលចិត្ត តាមវ័យ តាមលទ្ធភាព ដែលអាចធ្វើបានដែម្បីរក្សា សុខភាព»។

សម្ដេចបន្តថា «តាំងពីកូវីដ-១៩រាតត្បាតខ្លាំង ខ្ញុំបានជ្រើសរើសយកការ ធាក់កង់ជាប្រចាំ មួយថ្ងៃ៦០នាទី-៩០នាទី និងច្រើនបំផុត១២០នាទី ទៅតាមទម្ងន់មុនពេលហាត់ ។ ខ្ញុំរក្សាទម្ងន់៧៦, ៧៧, ៧៨ ដែលកាលពី៥ខែមុនឡើងដល់ ៨៧ស្ទើរតែរកខោស្លៀក លែងបាន»

និយាយបែបលេងសើច សម្ដេចបន្ថែមថា «ថ្ងៃនេះខ្ញុំស្លៀកខោខ្លី ជិះកង់ហាត់ប្រាណប្លែក ពីលើកមុនដែលស្លៀកខោវែង ។ និយាយតិចៗកុំឲ្យប្រពន្ធខ្ញុំលឺ គាត់ប្រាប់ខ្ញុំថា (បើទៅហាត់ប្រាណ ត្រូវស្លៀកវែងកុំស្លៀកខោខ្លី) ។ ខ្ញុំមិនដឹងថា តើគាត់ខ្លាចខ្ញុំត្រូវក្តៅខ្មៅ? ឬគាត់ខ្លាចមនុស្ស ផ្សេងឃើញជើងខ្ញុំក្រៅពីគាត់? (សូមទោសនិយាយលេងទេកុំប្រកាន់)»

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top