ភ្នំពេញ៖ សហរដ្ឋអាមេរិក នឹងផ្តល់វ៉ាក់សាំង Johnson & Johnson ជាង ១លានដូស ដល់ប្រជាជនកម្ពុជា ។ នេះបើយោងតាមហ្វេសប៊ុកស្ថានទូតអាមេរិក ប្រចាំកម្ពុជា នៅថ្ងៃទី២៣ កក្កដា។
ទូតបញ្ជាក់បន្តថា អាមេរិក កំពុងតែធ្វើការយ៉ាងជិតស្និទ្ធ ជាមួយរាជរដ្ឋាភិបាល យន្តការ COVAX អង្គការសុខភាពពិភពលោក និងអង្គការ UNICEF ដើម្បីបញ្ជូនវ៉ាក់សាំងទាំង នោះមក ក្នុងពេលឆាប់ៗខាងមុខ ។
នេះជាការសន្យាលើក២ហើយ របស់អាមេរិក ក្នុងការប្រកាសផ្តល់ជំនួយវ៉ាក់សាំងមកកម្ពុជា បន្ទាប់ពីកាលពីអំឡុងខែឧសភា អាមេរិកបានសន្យាផ្ដល់វ៉ាក់សាំង ដល់កម្ពុជាម្ដងហើយ ប៉ុន្តែ មិនបានអនុវត្តតាមការសន្យារបស់ខ្លួន ។ ការសន្យាលើកទី២ របស់អាមេរិកនេះដែរ ធ្វើឡើងស្របពេលដែលរដ្ឋាភិបាល ជប៉ុនប្រកាសផ្តល់វ៉ាក់សាំង AstraZeneca ចំនួន ១លានដូសដល់កម្ពុជា ដែលនឹងមកដល់នាយប់នេះផងដែរ ៕
