ភ្នំពេញ៖ រដ្ឋបាលខេត្តព្រៃវែង នៅថ្ងៃទី០១ ខែសីហា ឆ្នាំ២០២១ បានចេញសេចក្ដីប្រកាស ព័ត៌មានស្ដីពីករណី រកឃើញអ្នកវិជ្ជមានកូវីដ-១៩ថ្មី ចំនួន ១៦១នាក់ថ្មី ខណៈមានករណីជាសះស្បើយចំនួន ៦៤នាក់ និងស្លាប់ ចំនួន២នាក់ នៅមូលដ្ឋានក្នុងក្រុង/ស្រុកចំនួន១៣។
ក្នុងនោះរួមមាន៖
១- ក្រុងព្រៃវែង ចំនួន ១០នាក់
២- ស្រុកព្រះសេ្ដច ចំនួន ៨០នាក់
៣-ស្រុកពាមជរ ចំនួន ២០នាក់
៤- ស្រុកពាមរក៍ ចំនួន ១៥នាក់
៥- ស្រុកកំពង់ត្របែក ចំនួន ១០នាក់
៦- ស្រុកពោធិ៍រៀង ចំនួន ៩នាក់
៧- ស្រុកស្វាយអន្ទរ ចំនួន ៦នាក់
៨- ស្រុកកំចាយមារ ចំនួន ៤នាក់
៩- ស្រុកមេសាង ចំនួន ២នាក់
១០-ស្រុកសុីធរកណ្ដាល ចំនួន ២នាក់
១១-ស្រុកបាភ្នំ ចំនួន ១នាក់
១២-ស្រុកពារាំង ចំនួន ១នាក់
១៣-ស្រុកកញ្ជ្រៀច ចំនួន ១នាក់
បច្ចុប្បន្ន អ្នកវិជ្ជមានជំងឺកូវីដ-១៩ ទាំង ១៦១នាក់ ខាងលើ កំពុងសម្រាកព្យាបាល នៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុកនីមួយៗ។
សូមបញ្ជាក់ថា គិតត្រឹមថ្ងៃ១ ខែសីហា ឆ្នាំ២០២១នេះ ខេត្តព្រៃវែង រកឃើញអ្នកឆ្លងជំងឺកូវីដ១៩ សរុបចំនួន៤.៣៨៩នាក់ ក្នុងនោះបានព្យាបាលជាសះស្បើយ៣.២១២នាក់ និងកំពុងសម្រាកព្យាបាលជាសះស្បើយ១.១០១នាក់ ស្លាប់៧៦នាក់៕
