វ៉ាក់សាំងកូវីដ១៩ ជំនួយរបស់អង់គ្លេស នឹងដឹកមកដល់កម្ពុជា នារសៀលថ្ងៃទី៥ សីហា វិញ

ភ្នំពេញ៖ ដោយមានការកែប្រែកម្មវិធី វ៉ាក់សាំង Oxford AstraZeneca ជាជំនួយទ្វេភាគីរបស់ចក្រភពអង់គ្លេស ចំនួន ៤១៥.០០០ ដូស ជូនរាជរដ្ឋាភិបាលកម្ពុជា នឹងដឹកមកដល់កម្ពុជា នៅរសៀលថ្ងៃទី ៥ ខែសីហា ឆ្នាំ ២០២១វិញ។ នេះបើយោងតាម ការចុះផ្សាយ របស់ទូរទស្សន៍ជាតិកម្ពុជា។

តាមកម្មវិធីដែលបានគ្រោងទុក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញទៅទទួលវ៉ាក់សាំង Oxford AstraZeneca ជាការបរិច្ចាគរបស់ចក្រភពអង់គ្លេស ចំនួន ៤១៥.០០០ ដូស ក្នុងក្របខណ្ឌទ្វេភាគី ជូនរាជរដ្ឋាភិបាលកម្ពុជា។