ភ្នំពេញ ៖ នៅថ្ងៃទី៥ ខែសីហាឆ្នាំ២០២១ (៥សីហា១៩៥២-៥សីហា២០២១) ជាការប្រារព្ធពិធីគម្រប់៦៩ ឈានចូល៧០ឆ្នាំ របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា ។
សម្តេចតេជោ មានថ្ងៃកំណើតចំនួន២ ៖ ១.ថ្ងៃ៤មេសា ១៩៥១ គឺថ្ងៃ៤មេសា យកថ្ងៃចូលបម្រើកងទ័ព តាមការអំពាវនាវ របស់សម្តេចឪ សម្តេចព្រះនរោត្តម សីហនុ ឆ្នាំ១៩៧០។ ២.ថ្ងៃកំណើតពិតប្រាកដ របស់សម្តេចគឺថ្ងៃ ៥សីហា ១៩៥២។
រីឯឆ្នាំ១៩៥១ ដោយអ្នកវាយអង្គលីលេខវាយច្រឡំ និងយកទៅផ្សាយល្ងាចថ្ងៃទី៨ ខែមករា ១៩៧៩ ក្រោយពេលសម្តេច ត្រូវបានជ្រើសតាំង ជារដ្ឋមន្ត្រីការបរទេស។ ពេលនោះ សម្តេចមិនបានកែតម្រូវទេ ព្រោះចង់ឲ្យខ្លួនមានអាយុច្រើនបន្តិច ដោយសារកាន់តំណែង ជារដ្ឋមន្ត្រីការ បរទេសអាយុមិនទាន់គ្រប់២៧ឆ្នាំ៕
