ភ្នំពេញ: មានករណីឃាតកម្ម មួយកើតឡើង ដោយឪពុកចុងចិត្តតិរច្ឆាន បានទាញកាំបិតកាប់ ទៅលើកូនស្រីចុង បណ្តាលឱ្យស្លាប់យ៉ាងអាណោចអាធម នៅកន្លែងកើតហេតុ រួចផឹកថ្នាំពុល និងយកខ្សែចងកសម្លាប់ខ្លួនតាមក្រោយ នៅ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ។
ករណីឃាតកម្មខាងលើ បានកើតឡើងកាលពីថ្ងៃទី ២ ខែមករា ឆ្នាំ២០២២ នៅភូមិធ្លកយល់ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង។
សមត្ថកិច្ចស្រុកកំពង់ត្រឡាចបានអោយដឹងថា ជនសង្ស័យខាងលើ មានឈ្មោះ ច្រឹង ផល្លី ភេទប្រុស អាយុ ៣៦ឆ្នាំ ( ត្រូវជាឪពុកចុង) ។
ចំណែកឯ ជនរងគ្រោះមានឈ្មោះ ណាង ស្រីលាភ ភេទស្រី អាយុ ១៤ឆ្នាំ ។ (ត្រូវជាកូនចុង)។
អ្នកទាំងពីរ មានទីលំនៅ នៅភូមិធ្លកយល់ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង នៅកន្លែងកើតហេតុខាងលើ ។
បច្ចុប្បន្ននេះ សាកសពទាំងពីរនាក់ខាងលើ ត្រូវបានសមត្ថកិច្ចប្រគល់ អោយក្រុមគ្រួសារធ្វើបុណ្យតាមប្រពៃណី៕
ដោយ រស្មី អាកាស
