ភ្នំពេញ ៖ អង្គភាពប្រឆាំងអំពើពុករលួយ (ACU) បានកោះហៅជាថ្មីម្ដងទៀតចំពោះមនុស្ស ១១នាក់ ឲ្យចូលខ្លួនបំភ្លឺ នៅថ្ងៃទី៧ ខែកុម្ភៈ ឆ្នាំ២០២២ ខាងមុខ ជុំវិញអំពើក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង ពាក់ព័ន្ធនឹងកោះរ៉ុង ខេត្តព្រះសីហនុ។
កាលពីថ្ងៃទី១៦ ខែធ្នូ ឆ្នាំ២០២១ ACU ធ្លាប់បានចេញលិខិតកោះហៅមនុស្ស ទាំង១១នាក់នោះ ឲ្យចូលខ្លួនបំភ្លឺ នៅACU ម្តងរួចទៅហើយ។ ប៉ុន្តែសាមីខ្លួន បានព្យាយាមគេចវេសពីលំនៅឋាន និងមិនបានទទួលលិខិតកោះហៅនេះ ដូចនេះ ACU ក៏បានចេញលិខិតកោះហៅពួកគេជាថ្មីទៀត។
យោងតាមលិខិតកោះហៅរបស់ ACU នាពេលថ្មីៗនេះ បានព្រមានថា «ក្នុងករណីដែលសាមីខ្លួន មិនចូលខ្លួនឆ្លើយបំភ្លឺ តាមកាលបរិច្ឆេទ ដែលបានកំណត់ក្នុងលិខិតកោះហៅនេះទេ យើងនឹងចេញលិខិតបញ្ជាឲ្យចូលខ្លួន ដែលអនុញ្ញាតឲ្យមន្រ្ដីនគរបាលយុត្តិធម៌ប្រើប្រាស់កម្លាំងសាធារណៈ ដើម្បីបង្ខំឲ្យចូលបង្ហាញខ្លួន»។
សូមបញ្ជាក់ថា មនុស្ស ១១នាក់ អង្គភាពប្រឆាំងអំពើពុករលួយ (ACU) កោះហៅឲ្យខ្លួនបំភ្លើ នៅថ្ងៃទី៧ កុម្ភៈ ខាងមុខ រួមមាន ៖ ទី១-ម៉ែន សោភ័ណ ,ទី២-ម៉ែន សូលីណា ,ទី៣-សុខ មលិកា ,ទី៤-ជា សានីន ,ទី៥- ឡេង ដោក ,ទី៦-ទន់ វិឡាម៉ូលីន ,ទី៧-ព្រំ សេង ,ទី៨-សុខ ចិន្ដា ,ទី៩-មាស ពិសី ,ទី១០-អ៊ូ មករា និងទី១១-អ៊ិន និមល់៕
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
