ភ្នំពេញ: សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជាបានអំពាវនាវដល់បងប្អូន ប្រជាពលរដ្ឋទាំងអស់ មេត្តាកាត់បន្ថយការជួបជុំផឹកស៊ី ដើម្បីចូលរួមទប់ស្កាត់ ការចម្លងជំងឺកូវីដ១៩ ខណៈមេរោគនេះ កំពុងមានការកើនឡើង នៅទីក្រុងភ្នំពេញ ។
តាមរយៈសារសំឡេង ពិសេសផ្ញើជូន ជនរួមជាតិនៅយប់នេះសម្តេចតេជោ ហ៊ុន សែន បានណែនាំ ឲ្យមានការកាត់បន្ថយចំនួនមនុស្ស ចូលរួមក្នុងកម្មវិធីសាសនា កម្មវិធីអាពាហ៍ពិពាហ៍ និងពិធីផ្សេងៗទៀត៕
