តូក្យូ៖ ឯកអគ្គរដ្ឋទូតអ៊ុយក្រែន ប្រចាំប្រទេសជប៉ុន កំពុងជំរុញឱ្យប្រទេសចិន ចូលរួមកិច្ចខិតខំប្រឹងប្រែងអន្តរជាតិដើម្បីបញ្ឈប់ “ការសម្លាប់រង្គាល” របស់រុស្ស៊ី នៅក្នុងប្រទេសរបស់គាត់ ចំពេលទីក្រុងប៉េកាំង ខ្វះការរិះគន់ចំពោះសកម្មភាពរបស់ទីក្រុងម៉ូស្គូ។
អ្នកការទូតអ៊ុយក្រែនលោក Sergiy Korsunsky បានប្រាប់សន្និសីទសារព័ត៌មាន នៅទីក្រុងតូក្យូថា “យើងពិតជាស្វាគមន៍យ៉ាងខ្លាំង ដែលប្រទេសចិន អនុវត្តទំនាក់ទំនងរបស់ខ្លួន ជាមួយរុស្ស៊ី ហើយពិភាក្សាជាមួយលោកពូទីន ហើយពន្យល់គាត់ថា វាមិនសមរម្យ ក្នុងសតវត្សទី ២១ ក្នុងការសម្លាប់រង្គាលនេះ នៅអឺរ៉ុប” ។
ចិន មិនបានរិះគន់រុស្ស៊ី ជុំវិញសកម្មភាពរបស់ខ្លួន ប្រឆាំងអ៊ុយក្រែនទេ ហើយបានចូលរួម ក្នុងការវាយប្រហារដោយពាក្យសំដី លើក្រុងវ៉ាស៊ីនតោន និងសម្ព័ន្ធមិត្ត។
គាត់បាននិយាយថា “ខ្ញុំជឿថាប្រទេសចិន អាចដើរតួយ៉ាងសកម្មជាងមុន ក្នុងការធ្វើការជាមួយពូទីន ក្នុងលក្ខណៈដែលយើងរំពឹងថា សម្រាប់ប្រទេសស៊ីវិល័យ នឹងធ្វើ” ។
Korsunsky ក៏បានស្នើសុំការគាំទ្ រពីសហរដ្ឋអាមេរិក និងសម្ព័ន្ធមិត្ត ក្នុងការផ្តល់ឧបករណ៍ការពារប្រឆាំងមីស៊ីល ដើម្បីទប់ទល់នឹងការវាយប្រហារ ដោយកាំជ្រួច Cruise របស់រុស្ស៊ី។ លោកបាននិយាយថា អ៊ុយក្រែនចង់ចូលរួមជាមួយអង្គការអូតង់ និងបានអំពាវនាវ ឲ្យមានការគាំទ្ររបស់ខ្លួន ក្នុងការដោះស្រាយជម្លោះ។
ប្រែសម្រួលដោយ៖ សយ សុភា
