ភ្នំពេញ៖ ឯកអគ្គរដ្ឋទូតអាមេរិក ប្រចាំកម្ពុជា លោក Partrick Murphy បានលើកឡើង នូវការចាប់អារម្មណ៍ លើការថ្កោលទោសរបស់អន្តជាតិ ប្រឆាំងរុស្ស៊ី និងស្នើឱ្យអាស៊ាន ធ្វើដូចគ្នា គឺថ្កោលទោសរុស្ស៊ី។
តាមរយៈបណ្តាញសង្គមTwitter លោកទូត បានសរសេរថា “សហរដ្ឋអាមេរិក និងមនុស្សជាច្រើនជុំវិញពិភពលោក ឈរជាមួយប្រជាជនអ៊ុយក្រែន ក្នុងការតស៊ូរបស់ពួកគេ ចំពោះការលុកលុយខុសច្បាប់របស់រុស្ស៊ី ដែលបានចាប់ផ្តើម ដោយគ្មានការញុះញង់ឬហេតុផល”។
លោកបន្ថែមថា “យើង ជំរុញឱ្យដៃគូអាស៊ានចូលរួម ថ្កោលទោស ការមិនយកចិត្តទុកដាក់ ដ៏គ្រោះថ្នាក់របស់រុស្ស៊ី ចំពោះច្បាប់ និងអធិបតេយ្យភាពអន្តរជាតិ”។
យ៉ាងណាក៏ដោយ អាស៊ាន ក៏បានចេញសេចក្តីថ្លែងការណ៍មួយផងដែរ កាលថ្ងៃអាទិត្យម្សិលមិញ ជុំកង្វល់របស់ខ្លួន ទាក់ទនឹងស្ថានការណ៍នៅអ៊ុយក្រែន។
ដោយ៖ សយ សុភា
