ភ្នំពេញ៖ លោកបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម និងសហការី តំណាងធនាគារ អេស៊ីលីដា ព្រមទាំងក្រុមប្រឹក្សាភិបាលនៃធនាគារជាអភិវឌ្ឍន៍ជនបទ និងកសិកម្ម នាព្រឹកថ្ងៃទី១១ ខែមេសា ឆ្នាំ២០២២ បានបន្តរៀបចំសិក្ខាសាលាផ្សព្វផ្សាយគម្រោង ហិរញ្ញប្បទានពិសេសេ របស់រាជរដ្ឋាភិបាល (ដំណាក់កាលទី២) នៅខេត្តកំពត ដោយមានការអញ្ជើញចូលរួមពី អភិបាលខេត្តរង អភិបាលស្រុក ប្រជាកិសករ សហគមន៍កសិកម្ម និងសហគ្រាសកែច្នៃផលិតផលកសិកម្ម។
ក្នុងសិក្ខាសាលានេះ លោកប្រតិភូរាជរដ្ឋាភិបាល ក៏បានបន្តលើកទឹកចិត្តឲ្យ ប្រជាកសិករក្នុងខេត្តកំពត ធ្វើផែនការដាំដុះ ពង្រឹងស្តង់ដារ ផលិត និងគិតគូរស្ថានភាពទីផ្សារឲ្យបានច្បាស់លាស់។
បន្ទាប់ពីសិក្ខាសាលាផ្សព្វផ្សាយ ប្រតិភូរាជរដ្ឋាភិបាល, ក្រុមប្រឹក្សាភិបាលនៃ ធនាគារអភិវឌ្ឍន៍ជនបទ និងកសិម្ម ព្រមទាំង ថ្នាក់ដឹកនាំរដ្ឋបាលខេត្ត ក៏បានចុះទស្សនកិច្ចដល់ទីតាំងសិប្បកម្មកែច្នៃម្ហូបអាហារ និងផលិតទឹកត្រី អ៊ីឆេ ង៉ូវ ហេង កំពតផងដែរ ៕
