ព័ត៌មានជាតិ

លោក វ៉ី សំណាង សង្ឃឹមថា លោក ទឹម ផានូ អភិបាលក្រុងច្បារមនថ្មីវ័យក្មេង នឹងខិតខំបម្រើសេវា ជូនពលរដ្ឋល្អជាងមុន

ភ្នំពេញ៖ ក្នុងឱកាស អញ្ជើញប្រកាសចូល កាន់តំណែងជាផ្លូវការ លោក ទឹម ផានូ ដែលជាមន្រ្តីវ័យក្មេង ជាអភិបាលក្រុងច្បារមនថ្មី ខេត្តកំពង់ស្ពឺ នៅព្រឹកថ្ងៃទី១០ ខែមិថុនា ឆ្នាំ២០២២ ជំនួសលោក ហុក ម៉ារីឌី លោក វ៉ី សំណាង អភិបាលខេត្តកំពង់ស្ពឺ រំពឹងទុកជាមុនថា អភិបាលក្រុងថ្មីនឹង ខិតខំបម្រើសេវាសាធារណៈ ជូនប្រជាពលរដ្ឋឲ្យបានល្អប្រសើរជាងមុន ។

តាមរយៈបណ្តាញហ្វេសប៊ុកលោក វ៉ី សំណាង រំពឹងថា “លោកអភិបាលក្រុងច្បារមនថ្មី នឹងខិតខំបំពេញការងារ បម្រើសេវាសាធារណៈជូនពុកម៉ែមាមីង បងប្អូនប្រជាពលរដ្ឋបានល្អប្រសើរជាងមុន” ។

ផ្ទាំងពាណិជ្ជកម្ម

ជាមួយគ្នានេះ លោកក៏បានកោតសរសើរ ចំពោះការខិតខំបំពេញការងារ របស់អភិបាលក្រុងច្បារមនចាស់ផងដែរ ។

សូមបញ្ជាក់ថា កាលពីថ្ងៃ២ មិថុនា រាជរដ្ឋាភិបាលកម្ពុជា បានចេញអនុក្រឹត្យផ្ទេរលោក ហុក ម៉ារីឌី ដែលជាអភិបាលក្រុងច្បារមន ខេត្តកំពង់ស្ពឺ ឲ្យទៅបម្រើការងារ នៅរដ្ឋបាលខេត្តកំពង់ស្ពឺវិញ ដោយតែងតាំង លោក ទឹម ផានូ ជាអភិបាលក្រុងច្បារមន ខេត្តកំពង់ស្ពឺ ជំនួសវិញ ៕

To Top