ភ្នំពេញ៖ ប្រតិបត្តិការរុករកសពដែលបាត់ខ្លួន ក្នុងឧបទ្ទវហេតុលិចទូក នៅស្រុកលើកដែក ខេត្តកណ្តាល ត្រូវបានបិទបញ្ចប់ហើយ ខណៈសពក្មេងប្រុសម្នាក់ចុងក្រោយ ត្រូវបានរកឃើញនៅព្រឹកថ្ងៃទី១៥ ខែតុលា ឆ្នាំ២០២២នេះ។ នេះបេីយោងតាមគណៈកម្មាធិការជាតិគ្រប់គ្រងគ្រោះមហន្តរាយ។
សូមបញ្ជាក់ថា នៅយប់ថ្ងៃទី១៣ ខែតុលា ឆ្នាំ២០២២ បានកើតមានករណីលិចទូកដ៏តក់ស្លុតមួយ ដោយមានសិស្សានុសិស្សឆ្លងទូកចេញពីសាលាទៅកាន់លំនៅឋានរបស់ពួកគេ នៅភូមិកោះចម្រើន ឃុំកំពង់ភ្នំ ស្រុកលើកដែក ខេត្តកណ្តាល។ក្នុងឧបទ្ទវហេតុនេះ បណ្ដាលឱ្យសិស្ស១១នាក់ស្លាប់ និង៤នាក់ត្រូវបានសង្រ្គោះ៕
