ភ្នំពេញ៖ លោកបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃធនាគារអភិវឌ្ឍន៍ជនបទ និងកសិកម្ម និងសហការី កាលពីល្ងាចថ្ងៃទី១៥ ខែតុលា ឆ្នាំ២០២២ បានបន្តអញ្ជើញជួប ជាមួយអតិថិជនរបស់ធនាគារដែលបានទទួលរងផលប៉ះពាល់ ដោយសារទឹកជំនន់ នៅភូមិព្រៃព្រះ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ ។
ក្នុងនោះដីស្រែរបស់បងប្អូន បានទទួលរងការលិចលង់ និងបំផ្លាញស្រូវស្ទើតែទាំងស្រុង។
ដោយមើលឃើញពីការលំបាក, លោកបណ្ឌិត បានអនុញ្ញាត អោយបងប្អូនធ្វើពិនិត្យលទ្ធភាព ដាក់ពាក្យស្នើសុំពន្យាការសងប្រាក់ដើម ឬ អាចដាក់ពាក្យស្នើសុំខ្ចីបន្ថែម សម្រាប់យកមកប្រើប្រាស់ នៅពេលទឹកស្រកចុះវិញ។
ជាមួយគ្នានេះ លោកបណ្ឌិត បានធ្វើការឧបត្ថម្ភអង្ករ, មី ត្រីខ ទឹកត្រី ទឹកស៊ីអ៊ីវ និងថវិកាមួយចំនួនជូនដល់បងប្អូនផងដែរ៕
