ប្រមុខការទូតកម្ពុជា ដឹកនាំកិច្ចប្រជុំក្រុមប្រឹក្សា សម្របសម្រួលអាស៊ាននិងកិច្ចប្រជុំក្រុមប្រឹក្សា សហគមន៍សន្តិសុខ-នយោបាយអាស៊ាន

ភ្នំពេញ៖ លោក ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេសកម្ពុជា នៅថ្ងៃ១០ ខែវិច្ឆិកា ឆ្នាំ២០២២នេះ បានអញ្ជើញដឹកនាំកិច្ចប្រជុំក្រុមប្រឹក្សា សម្របសម្រួលអាស៊ាន (ACC) លើកទី៣១ និងកិច្ចប្រជុំក្រុមប្រឹក្សា សហគមន៍សន្តិសុខ-នយោបាយអាស៊ាន (APSC) លើកទី២៥ ក្នុងឱកាសនៃកិច្ចប្រជុំកំពូល អាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធ នៅរាជធានីភ្នំពេញ ។