បរទេស៖ មន្ទីរបញ្ចកោណកំពុងសម្លឹងមើលលទ្ធភាពនៃការដំឡើងមីស៊ីលដែលផលិតដោយសហរដ្ឋអាមេរិកនៅ លើយន្តហោះ ចម្បាំង MiG សម័យសូវៀត ដែលប្រើប្រាស់ដោយអ៊ុយក្រែនក្នុងជម្លោះជាមួយរុស្ស៊ី, មន្ត្រីក្រសួង ការពារជាតិពីរនាក់ និងមនុស្សម្នាក់ទៀត ដែលដឹង ពីបញ្ហានេះបានប្រាប់ Politico ។
យោងតាមសារព័ត៌មាន RT ចេញផ្សាយនៅថ្ងៃទី៨ ខែមីនា ឆ្នាំ២០២៣ បានឱ្យដឹងដោយផ្អែកតាមការផ្សាយរបស់ Politico ថា សព្វាវុធទាំងនោះគឺជាមីស៊ីលរយៈចម្ងាយមធ្យមកម្រិតខ្ពស់ប្រភេទ AIM-120 (AMRAAM) ដែលត្រូវបានរចនាឡើង ដើម្បីបាញ់ដោយយន្តហោះលោកខាងលិច រួមទាំងយន្តហោះ F-16 និងមានចម្ងាយត្រឹមតែជាង ១០០គីឡូម៉ែត្រ។
ទោះជាយ៉ាងណាក៏ដោយ ប្រភពបានកត់សម្គាល់ពីបញ្ហាប្រឈមដែលបង្កឡើងដោយដំណើរការសមាហរណកម្ម ដោយសារ តែភាពខុសគ្នាខ្លាំងរវាងបច្ចេកវិទ្យាអាមេរិក និងសូវៀត។
បញ្ហាសំខាន់គឺថា មីស៊ីល និងយន្តហោះ មិនអាច “និយាយគ្នា” ឬ បច្ចេកទេសមិនត្រូវគ្នា ដោយគេពន្យល់ថា ដើម្បី បាញ់មីស៊ីល រ៉ាដារបស់យន្តហោះត្រូវតែស្វែងរកគោលដៅ ហើយបន្ទាប់មកណែនាំគ្រាប់ផ្លោងទៅជិតវា។
បញ្ហាដែលមន្ទីរបញ្ចកោណបាននិងកំពុងធ្វើគឺ «តើអ្នកដំឡើងរឿងនេះដោយរបៀបណា? តើអ្នកអាចយកគ្រឿងអេឡិចត្រូនិកទាំងអស់ក្នុងយន្តហោះដើម្បីនិយាយជាមួយរឿងនេះដែលមិនមែនជាការចាប់ផ្ដើមឬទេ?»៕
ប្រែសម្រួលៈ ណៃ តុលា
