បរទេស៖ សភាប្រជាជនជាតិ របស់ប្រទេសចិន (NPC) បានតែងតាំងឧត្តមសេនីយ Li Shangfu ដែលត្រូវបានដាក់ទណ្ឌកម្ម ដោយសហរដ្ឋអាមេរិក សម្រាប់ការដោះស្រាយជាមួយរុស្ស៊ី ជារដ្ឋមន្ត្រីការពារជាតិថ្មីរបស់ប្រទេសចិន កាលពីថ្ងៃអាទិត្យ។
យោងតាមសារព័ត៌មាន RT ចេញផ្សាយនៅថ្ងៃទី១២ ខែមីនា ឆ្នាំ២០២៣ បានឱ្យដឹងថា ក្នុងឆ្នាំ ២០២១៨ សហរដ្ឋអាមេរិកបានចុះបញ្ជីខ្មៅ លោក Li ជាប្រធាននាយកដ្ឋានអភិវឌ្ឍន៍ ឧបករណ៍សម្រាប់ “ប្រតិបត្តិការសំខាន់ៗ” ពាក់ព័ន្ធនឹងការផ្ទេរយន្តហោះចម្បាំង Su-35 និងសម្ភារៈដែលទាក់ទងនឹង ប្រព័ន្ធការពារដែនអាកាស S-400 ពីប្រទេសរុស្ស៊ីទៅប្រទេសចិន។
លោក Li កើតនៅឆ្នាំ ១៩៥៨ នៅ Chengdu រដ្ឋធានីនៃខេត្ត Sichuan ភាគនិរតី។ បន្ទាប់ពីបញ្ចប់ការសិក្សាពីសាកលវិទ្យាល័យយោធា លោក បានចំណាយពេលជាង ៣ ទសវត្សរ៍នៅទីតាំងបាញ់បង្ហោះយានអវកាស Xichang ដោយធ្វើការដំបូងជាអ្នកបច្ចេកទេស ហើយទីបំផុតបានក្លាយជា នាយកនៃកន្លែងបាញ់បង្ហោះ។
នៅទសវត្សរ៍ឆ្នាំ ២០០០ លោកបានត្រួតពិនិត្យ ការបាញ់បង្ហោះយាន Chang’e 2 ដែលជាការស៊ើបអង្កេតតាមច័ន្ទគតិដំបូងរបស់ប្រទេស និងបានដឹកនាំការសាកល្បងកាំជ្រួចប្រឆាំង ផ្កាយរណបជាលើកដំបូងរបស់ប្រទេសចិន៕
ប្រែសម្រួលៈ ណៃ តុលា
