ភ្នំពេញ៖ ក្រោយប្រកាសចាកចេញ ពីគណបក្សប្រជាធិបតេយ្យមូលដ្ឋាន លោកសាម អ៊ីន បានស្នេីសុំចូលរួមជីវភាព នយោបាយ ជាមួយគណបក្សប្រជាជនកម្ពុជា ដោយទទួលបានការស្វាគមន៍យ៉ាងកក់ក្ដៅ ពីសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា។
ជាមួយនឹង ការប្រកាសស្វាគមន៍ សម្ដេចតេជោ ហ៊ុន សែន ក្នុងនាមរាជរដ្ឋាភិបាលនឹងទូលថ្វាយព្រះមហាក្សត្រស្នេីសុំព្រះរាជក្រឹត្យ តែងតាំងមុខតំណែងលោក សាម អ៊ីន ជារដ្ឋលេខាធិការក្រសួងបរិស្ថានឱ្យស្របតាមជំនាញ។
តាមរយៈបណ្តាញសង្គម តេឡេក្រាម សម្ដេចតេជោ ហ៊ុន សែន បានសង្កត់ធ្ងន់ថា “មុននេះបន្តិចខ្ញុំបានទទួលលិខិតពីបណ្ឌិត សាម អុីន ស្នើសុំចូលរួមជីវភាពជាមួយគណបក្សប្រជាជនកម្ពុជា។ក្នុងនាមគណបក្សប្រជាជនកម្ពុជាខ្ញុំសូមស្វាគមន៍យ៉ាងកក់ក្តៅចំពោះបណ្ឌិតសាម អុីនដើម្បីចូលរួមជាមួយគណបក្សប្រជាជនកម្ពុជា។ក្នុងនាមរាជរដ្ឋាភិបាលខ្ញុំនឹងស្នើសុំព្រះរាជ្យក្រិត្យតែងតាំងបណ្ឌិតសាម អុីនជារដ្ឋលេខាធិការក្រសួងបរិស្ថាន ដើម្បីឲ្យស្របតាមជំនាញ ដែលគាត់មាននិងអាចធ្វើបាន”៕
