ភ្នំពេញ ៖ គណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) បានឲ្យដឹងថា ក្នុងឆ្នាំ២០២២ កន្លងទៅ អាជ្ញាធរបង្ក្រាប ផលិតផលក្លែងក្លាយទូទៅ ចំនួន១៣៥ករណី ក្នុងនោះ ផលិតផលឧបភោគបរិភោគបាន ១៣តោន។
![](https://dap-news.com/wp-content/uploads/2023/04/photo_2023-04-26_09-58-21-1024x768.jpg)
![](https://dap-news.com/wp-content/uploads/2023/04/photo_2023-04-26_09-58-18-1024x768.jpg)
ក្នុងកិច្ចប្រជុំត្រួតពិនិត្យលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់គ.ប.ផ.ក ដែលបង្កគ្រោះ ថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម នាថ្ងៃ២៦ មេសា ឧត្តមសេនីយ៍ឯក តាន់ សុខវិជ្ជា ប្រធាន លេខាធិការដ្ឋាន គ.ប.ផ.ក បញ្ជាក់ថា «ឆ្នាំ២០២២ ចុះបង្ក្រាបឱសថខុសច្បាប់ ផលិតផលវេជ្ជសាស្ដ្រ ផលិតផល គ្រឿងសម្អាង ផលិតផលឧបភោគបរិភោគ និងផលិតផលក្លែងក្លាយខុសច្បាប់ទូទៅចំនួន ១៣៥ករណី ក្នុងនោះ ផលិតផលឧបភោគបរិភោគចំនួន១៣តោន»។
![](https://dap-news.com/wp-content/uploads/2023/04/photo_2023-04-26_09-58-25-1024x768.jpg)
![](https://dap-news.com/wp-content/uploads/2023/04/photo_2023-04-26_09-58-29.jpg)
ឧត្តមសេនីយ៍ឯកបន្តថា ក្នុងចំណោមបង្ក្រាបផលិតផលក្លែងក្លាយខុសច្បាប់ទាំង១៣៥ករណីនេះ មានផលិតផល ឧបភោគបរិភោគ៣៦ករណី , ផលិតផលគ្រឿងសម្អាង២៣ករណី , ផលិតផលសម្ភារៈប្រើប្រាស់១៣ករណី , សម្ភារៈវេជ្ជសាស្ដ្រ និងបរិក្ខាពេទ្យ រួមមាន ៖ អាល់កុល-និងម៉ាស់៨០ករណី និង ផលិតផលបារីអេឡិចត្រូនិក១ករណី៕
![](https://dap-news.com/wp-content/uploads/2020/08/1-1.png)