បរទេស៖ ប្រតិបត្តិការវាយប្រហារតាមអាកាស ចុងក្រោយមួយដោយសហរដ្ឋអាមេរិក ដែលបានធ្វើឡើងកាលពីចុងសប្តាហ៍ បានសម្រេចគោលដៅសម្លាប់ បានមេដឹកនាំកំពូលរបស់ក្រុមភេវរកម្ម IS ម្នាក់នៅភាគខាងកើតនៃប្រទេសស៊ីរី។
យោងតាមការចេញផ្សាយរបស់ VOA News បានឲ្យដឹងថាប្រតិបត្តិការវាយប្រហារ តាមអាកាសរបស់អាមេរិកបានសម្លាប់មេដឹកនាំ IS ដែលមានឈ្មោះថា Usamah al Muhajir ហើយប្រតិបត្តិការនេះ បានធ្វើឡើងកាលពីថ្ងៃសុក្រមកម្ល៉េះ។
សេចក្តីថ្លែងការណ៍របស់ មេបញ្ជាការអាមេរិកបានបញ្ជាក់ថា៖ ពួកយើងបានវាយតម្លៃច្បាស់លាស់ហើយថា អាមេរិកនឹងនៅតែប្តេជ្ញាចិត្ត ក្នុងការវាយប្រហារសំដៅក្រុម ISIS រហូតដល់ក្រុមនេះព្រមចុះចាញ់ និងលែងមានវត្តមាននៅក្នុងតំបន់។
រំលឹកដែរថាកាលពីឆ្នាំ២០១៤ អំណាចរបស់ IS បានឡើងដល់កម្រិតកំពូលដោយគ្រានោះ បានគ្រប់គ្រងដល់ទៅមួយភាគបី នៃប្រទេសអ៊ីរ៉ាក់ និងស៊ីរីហើយក្រុមសកម្មប្រយុទ្ធត្រូវបានវាយបកវិញ ដោយកងកម្លាំងយោធាប្រទេសទាំងពីរ ប៉ុន្តែទោះបីជាយ៉ាងណាក្តីក្រុមសកម្មប្រយុទ្ធ IS នៅតែបន្តធ្វើការវាយប្រហារ នៅទីនោះនៅឡើយរហូតមកដល់បច្ចុប្បន្ន ៕
ប្រែសម្រួល៖ ស៊ុន លី
![](https://dap-news.com/wp-content/uploads/2020/08/1-1.png)