ហាណូយ៖ វៀតណាមបានប្រកាសតម្លៃពាណិជ្ជកម្ម បរទេស ប៉ាន់ស្មានចំនួន ៤៣៥,២៣ ពាន់លានដុល្លារអាមេរិក ក្នុងរយៈពេល ៨ខែដំបូងនៃឆ្នាំនេះ ធ្លាក់ចុះ ១៣,១ភាគរយពីមួយឆ្នាំទៅមួយឆ្នាំ ជាមួយនឹងអតិរេកពាណិជ្ជកម្ម ២០,១៩ ពាន់លានដុល្លារ នេះបើយោងតាមស្ថិតិចុងក្រោយ របស់ការិយាល័យស្ថិតិ របស់ប្រទេសនេះ។
ការិយាល័យបានឲ្យដឹងថា ជាពិសេស ប្រាក់ចំណូលនាំចេញមានចំនួន ២២៧,៧១ ពាន់លានដុល្លារ ធ្លាក់ចុះ ១០ភាគរយ ខណៈដែលប្រាក់ចំណូលនាំចូលបានថយចុះ ១៦,២ភាគរយពីមួយឆ្នាំទៅមួយឆ្នាំ មកត្រឹម ២០៧,៥២ពាន់លានដុល្លារ។
យោងតាមការិយាល័យបានឱ្យដឹងថា សហរដ្ឋអាមេរិកនៅតែជាប្រទេសនាំចូលដ៏ធំបំផុតរបស់វៀតណាមជាមួយនឹងប្រាក់ចំណូលចំនួន ៦២,៣ពាន់លានដុល្លារ ហើយប្រទេសចិន គឺជាអ្នកនាំចេញធំបំផុតរបស់ខ្លួនជាមួយនឹងប្រាក់ចំណូលចំនួន ៦៨,១ពាន់លានដុល្លារក្នុងរយៈពេលនេះ។
សារព័ត៌មានអនឡាញ Cong Thuong (ឧស្សាហកម្ម និងពាណិជ្ជកម្ម) បានរាយការណ៍ថា លក្ខខណ្ឌអំណោយផលដូចជាកិច្ចព្រមព្រៀងពាណិជ្ជកម្មសេរី (FTA) ដែលមានស្រាប់ជាមួយដៃគូទីផ្សារសំខាន់ៗរបស់វៀតណាម នឹងជះឥទ្ធិពលជាវិជ្ជមានលើពាណិជ្ជកម្ម ការវិនិយោគ និងការនាំចេញក្នុងរយៈពេលចុងឆ្នាំ៕
ប្រែសម្រួល ឈូក បូរ៉ា
