តូក្យូ៖ តុលាការកំពូលរបស់ប្រទេសជប៉ុន បានបដិសេធការប្តឹងឧទ្ធរណ៍របស់ខេត្តអូគីណាវ៉ា ប្រឆាំងនឹងការបញ្ជារបស់រដ្ឋាភិបាលកណ្តាល ដែលនឹងអនុញ្ញាតឱ្យខ្លួនបន្តការងារចាក់សំរាម សម្រាប់ការផ្លាស់ទីលំនៅមូលដ្ឋានសំខាន់របស់សហរដ្ឋអាមេរិកនៅក្នុងខេត្តកោះភាគខាងត្បូង។
សាលក្រមតូចទីមួយរបស់តុលាការកំពូល បានតម្កល់សេចក្តីសម្រេចរបស់សាខាណាញ៉ា របស់តុលាការកំពូលហ្វូគូកា ដោយបញ្ជាក់ពីសិទ្ធិអំណាចរបស់រដ្ឋាភិបាលកណ្តាល ក្នុងការណែនាំរដ្ឋាភិបាលក្នុងតំបន់ឱ្យយល់ព្រមលើការកែប្រែផែនការរបស់ខ្លួនក្នុងគោលបំណងពង្រឹងដីទន់នៅកន្លែងសំណង់ ដែលបានកំណត់។
បន្ទាប់ពីការសម្រេចចិត្តជាឯកច្ឆ័ន្ទរបស់តុលាការទាំង៥ អ្នកនាំពាក្យរដ្ឋាភិបាលកំពូល លោក Hirokazu Matsuno លេខាធិការខុទ្ទកាល័យបានប្រាប់សន្និសីទសារព័ត៌មានថា លោករំពឹងថា ខេត្តអូគីណាវ៉ា នឹងធ្វើសកម្មភាពយ៉ាងឆាប់រហ័សស្របតាមសេចក្តីសម្រេចនេះ ។
លោក Denny Tamaki អភិបាលខេត្តអូគីណាវ៉ា បានឲ្យដឹងនៅក្នុងសន្និសីទសារព័ត៌មានមួយនៅទីក្រុងណាញ៉ា ថា “យើងកំពុងសង្ឃឹម សម្រាប់ការសម្រេចចិត្តដោយយុត្តិធម៌ និងអព្យាក្រឹតរហូតដល់ពេលចុងក្រោយ។
សេចក្តីសម្រេចនេះ ត្រួសត្រាយផ្លូវ សម្រាប់ការបន្តការងារដែលត្រូវបានផ្អាក បើទោះបីជាអូគីណាវ៉ា និងរដ្ឋាភិបាលកណ្តាល នៅតែមានជម្លោះលើការផ្លាស់ប្តូរទីតាំងស្ថានីយ៍អាកាសរបស់កងម៉ារីនអាមេរិក Futenma នៅក្នុងសង្កាត់លំនៅដ្ឋានជីណូវ៉ាន់ ទៅកាន់តំបន់ឆ្នេរហេណូគុ ដែលមានប្រជាជនតិចតិច នៅក្នុងណាហ្គោ ក៏ដោយ៕
ប្រែសម្រួល ឈូក បូរ៉ា
