ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាថ្ងៃទី៦ ខែតុលា ឆ្នាំ២០២៣ស្អែកនេះ នឹងអញ្ជើញដង្ហែ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងពិធីប្រារព្ធខួប ៣០ឆ្នាំ នៃថ្ងៃប្រកាសរដ្ឋធម្មនុញ្ញ ដែលនឹងប្រព្រឹត្តទៅនៅសាលសន្និបាតកោះពេជ្រ ។
សូមរំលឹកថា រដ្ឋធម្មនុញ្ញ គឺជាច្បាប់កំពូល របស់ព្រះរាជាណាចក្រកម្ពុជា។ រាល់ច្បាប់ និងឯកសារគតិយុត្តទាំងឡាយ របស់ព្រះរាជាណាចក្រកម្ពុជា ត្រូវអនុលោមទៅតាមរដ្ឋធម្មនុញ្ញ បើពុំនោះសោត ច្បាប់ និងឯកសារគតិយុត្តទាំងនោះ នឹងអធម្មនុញ្ញភាព។ រដ្ឋធម្មនុញ្ញនៃព្រះរាជាណាចក្រកម្ពុជា ដែលអនុម័តដោយសភាធម្មនុញ្ញ នៅថ្ងៃទី២១ ខែកញ្ញា ឆ្នាំ១៩៩៣ ត្រូវបានប្រកាសឲ្យប្រើប្រាស់ជាផ្លូវការ ដោយព្រះរាជក្រម ចុះថ្ងៃទី២៤ ខែកញ្ញា ឆ្នាំ១៩៩៣៕
![](https://dap-news.com/wp-content/uploads/2023/10/photo_2023-10-05_17-21-25-2-819x1024.jpg)
![](https://dap-news.com/wp-content/uploads/2020/08/1-1.png)