ភ្នំពេញ ៖ ករណីគ្រោះធម្មជាតិមួយកើតឡើង ដោយមានភ្លៀងធ្លាក់ខ្យល់កន្ត្រាក់ធ្លាក់មួយមេធំ និងផ្គររន្ទះបាញ់ បណ្តាលឲ្យគោចំនួន៤ក្បាលងាប់ ត្រង់ចំណុចគ្រឹះខ្លុង ភូមិបឹងប្រី ឃុំស្នឹង ស្រុកបាណន់ ខេត្តបាត់ដំបង កាលពីម៉ោង១៣និង៣០នាទី ថ្ងៃទី២២ ខែតុលា ឆ្នាំ២០២៣ ។ នេះបើតាមអគ្គស្នងការដ្ឋាននគរបាលជាតិ ។
លោកវរសេនីយ៍ទោ សំ វីរៈ អធិការនគរបាលស្រុកបាណន់ បានឲ្យដឹងថា គ្រោះថ្នាក់រន្ទះបាញ់បណ្តាលឲ្យងាប់គោនេះ ជារបស់ម្ចាស់ឈ្មោះ ស៊ឹម សាលឿន ភេទប្រុស អាយុ៤៦ឆ្នាំ រស់នៅក្រុម១៣ ភូមិបឹងប្រី ឃុំស្នឹង ស្រុកបាណន់ ប៉ុន្តែមិនបណ្តាលឲមានគ្រោះថ្នាក់ដល់មនុស្សទេ ៕
