ប៉េរ៉ូត៖ នាយករដ្ឋមន្ត្រីលីបង់លោក លោក Najib Mikati បានថ្កោលទោសអ៊ីស្រាអែល ចំពោះការវាយប្រហាររបស់ខ្លួន នៅភាគខាងត្បូងប្រទេសលីបង់ នៅព្រឹកថ្ងៃដដែល ដោយបានសម្លាប់ និងរបួសជនស៊ីវិលជាច្រើននាក់ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Mikati បានឲ្យដឹងនៅក្នុងសេចក្តីថ្លែងការណ៍មួយចេញផ្សាយដោយទីស្តីការគណៈរដ្ឋមន្ត្រីថា ការវាយប្រហាររបស់អ៊ីស្រាអែល “នឹងមិនមានការកត់សម្គាល់នោះទេ” ហើយរដ្ឋាភិបាលរបស់ប្រទេសលីបង់ នឹងដាក់ពាក្យបណ្តឹងទៅកាន់ក្រុមប្រឹក្សាសន្តិសុខអង្គការសហប្រជាជាតិ។
ទន្ទឹមនឹងនេះ រដ្ឋមន្ត្រីការបរទេសលីបង់លោក Abdallah Bou Habib បានប្រកាសថា ក្រសួងរបស់លោក កំពុងរៀបចំដាក់ពាក្យបណ្តឹងបន្ទាន់មួយទៅកាន់ក្រុមប្រឹក្សាសន្តិសុខអង្គការសហប្រជាជាតិ ដើម្បីឆ្លើយតបទៅនឹងការវាយប្រហាររបស់អ៊ីស្រាអែល លើផ្លូវ Ainata-Aitaroun ដែលបានសម្លាប់កុមារ ៣នាក់ និងជីដូនរបស់ពួកគេ។
ការប្រឈមមុខដាក់គ្នាដោយហិង្សានៅព្រំដែនលីបង់ និងអ៊ីស្រាអែលនៅតែបន្ត។ កាលពីថ្ងៃអាទិត្យ យុទ្ធជនហេសបូឡា ២នាក់ និងជនស៊ីវិល ៤នាក់ត្រូវបានសម្លាប់ ខណៈមនុស្ស ៥នាក់ផ្សេងទៀតរងរបួស។
សេចក្តីថ្លែងការណ៍ដែលចេញផ្សាយដោយក្រុមហេសបូឡាបានរាយការណ៍ថា អ្នកប្រយុទ្ធរបស់ខ្លួនពីរនាក់ត្រូវបានសម្លាប់ ដែលបង្កើនចំនួនអ្នកស្លាប់សរុបរបស់ក្រុមដល់ទៅ ៦៤នាក់។
ប៉ុស្តិ៍ទូរទស្សន៍ក្នុងស្រុក Al-Mayadeen បានរាយការណ៍ថា ការវាយប្រហារដោយកាំជ្រួចមួយត្រូវបានបាញ់ដោយយន្តហោះដ្រូនរបស់អ៊ីស្រាអែល ដោយបានបុករថយន្តនៅក្នុងភូមិ Aitaroun ភាគខាងត្បូង ហើយបានសម្លាប់កុមារ ៣នាក់ និងជីដូនរបស់ពួកគេ ខណៈដែលម្តាយរបស់ពួកគេរងរបួស។
តាមការកត់សម្គាល់ផ្សេង ប្រភពយោធាលីបង់ បានប្រាប់ស៊ីនហួថា យន្តហោះដ្រូនរបស់អ៊ីស្រាអែល កាលពីថ្ងៃអាទិត្យបានបាញ់មីស៊ីល ពីលើអាកាសទៅដីលើរថយន្តសង្គ្រោះបន្ទាន់ចំនួនពីរដែលជាកម្មសិទ្ធិរបស់ក្រុមកាយរឹទ្ធិនៃសារអ៊ីស្លាមនៅក្នុងតំបន់ជុំវិញភូមិភាគខាងត្បូងនៃ Tayr Harfa ដោយបានធ្វើឱ្យគ្រូពេទ្យពេទ្យបួននាក់រងរបួស ដែលកំពុងធ្វើដំណើរទៅកាន់មន្ទីរពេទ្យក្នុងតំបន់៕ ប្រែសម្រួល ឈូក បូរ៉ា
