តាកែវ៖ ប្រជាកសិករ ២គ្រួសារ នៅភូមិព្រៃស្នួល ឃុំរវៀង ខេត្តតាកែវ បានបង្ហាញនូវភាពសប្បាយរីករាយយ៉ាងក្រៃលែង ក្រោយការបង្កបង្កើនផលស្រូវវស្សា ទទួលបានទិន្នផលកើនឡើង គួរឱ្យកត់សម្គាល់ បន្ទាប់ពីបានប្រើជីធម្មជាតិ ដែលផលិតដោយកូនខ្មែរ ។
![](https://dap-news.com/wp-content/uploads/2023/11/171-1-1024x563.jpg)
![](https://dap-news.com/wp-content/uploads/2023/11/175-1024x569.jpg)
កសិករម្នាក់ រស់នៅភូមិព្រៃស្នួល បានឱ្យដឹងថា ឆ្នាំនេះគាត់បាន បានចំណាយទុនលើការប្រើប្រាស់ជី (ធម្មជាតិ) ត្រឹមតែជាង២០មុឺនរៀល ប៉ុណ្ណោះ ខុសពីសព្វមួយដងដែលត្រូវចំណាយអស់ជាង៦០ទៅ៧០មុឺនរៀល។
កសិករដដែលបានបន្ថែមថា «ក្រោយសាកល្បង ប្រើប្រាស់ជីធម្មជាតិ ដែលផលិតដោយកូនខ្មែរ កត់សម្គាល់ឃើញថា ការវិវត្តន៍ស្រូវមានសភាពល្អខ្លាំង ខុសពីឆ្នាំមុន និងទទួលបានផលគួរឱ្យគាប់ប្រសើរ»។
ដោយឡែក លោក សយ សុភាព ដែលជាអ្នកផ្ដួចផ្ដើមគំនិត និងមានការចូលរួមពីសំណាក់អ្នកបច្ចេកទេស អ្នកវិទ្យាសាស្រ្តខ្មែរ ក៏បានបង្ហាញភាពសប្បាយរីករាយ ចំពោះសមិទ្ធផលថ្មីនេះ ក្រោយដកបទពិសោធន៍ ជាក់ស្ដែង អស់រយៈពេល៣ឆ្នាំកន្លងមក។
![](https://dap-news.com/wp-content/uploads/2023/11/172-768x1024.jpg)
![](https://dap-news.com/wp-content/uploads/2023/11/174-1024x768.jpg)
ជាមួយគ្នានេះ កសិករមួយគ្រួសារ នៅឃុំកន្តួត ស្រុកស្វាយលើ ខេត្តសៀមរាប បានធ្វើស្រែ លើផ្ទៃដី១៥ហត ក៏ទទួលផលល្អដូចគ្នា។
![](https://dap-news.com/wp-content/uploads/2023/11/181-1024x567.jpg)
លោក សយ សុភាព ក៏បានឱ្យដឹងថា លោកនិងក្រុមបច្ចេកទេស នឹងខិតខំសាកល្បងផលិតជីគោក បន្ថែមទៀត ដើម្បីជួយសម្រួលដល់ការចំណាយទុន របស់ប្រជាកសិករ ក្នុងការបង្កបង្កើនផល៕
![](https://dap-news.com/wp-content/uploads/2023/11/179-1024x485.jpg)
![](https://dap-news.com/wp-content/uploads/2023/11/180-1024x757.jpg)
![](https://dap-news.com/wp-content/uploads/2023/11/177-1024x768.jpg)
![](https://dap-news.com/wp-content/uploads/2023/11/176-1024x768.jpg)
![](https://dap-news.com/wp-content/uploads/2020/08/1-1.png)