ពោធិ៍សាត់៖ ជនសង្ស័យម្នាក់ត្រូវបានកម្លាំងនគរបាល នៃ អធិការដ្ឋាននគរបាលក្រុងពោធិ៍សាត់ សហការណ៍និងកម្លាំងនគរបាល ប៉ុស្តិ៍រដ្ឋបាលបន្ទាយដី ធ្វើការឃាត់ខ្លួន តាមពាក្យបណ្តឹងរបស់នារីរ ងគ្រោះ ប្តឹងចោទប្រកាន់ប៉ុនប៉ងរំលោភ មិនបានសម្រេច កាលពីវេលាម៉ោង ២២ និង ៣០ នាទីយប់ថ្ងៃទី ១៣ ខែ ធ្នូ ឆ្នាំ ២០២៣ ស្ថិតនៅភូមិបន្ទាយដីក្រោម សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់។
យោងតាមស្ត្រីរងគ្រោះ បាននិយាយថា ជនសង្ស័យ បានលបឡើងទៅលើផ្ទះរបស់ខ្លួន ហើយយកដៃរាវទៅក្នុងមុង យកដៃម្ខាងខ្ទប់មាត់ និង ដៃម្ខាងទៀតសង្កត់លើខ្លួនបម្រុងចាប់រំលោភ ខណៈខ្លួនកំពុងដេក តែត្រូវជនរងគ្រោះជាស្ត្រីនោះស្រែកឆោឡោអោយគេជួយ ធ្វើអោយជន
សង្ស័យភ័យលោតចុះពីលើផ្ទះស្ត្រីរងគ្រោះ តែត្រូវប្រជាពលរដ្ឋក្បែខាង ឃាត់ខ្លួនប្រគល់ឲ្យសមត្ថកិច្ចភ្លាមៗ ។
បើតាមរបាយការណ៍របស់សមត្ថកិច្ចបានអោយដឹងថា ជនសង្ស័យមានឈ្មោះរ៉ា សុជាតិ ភេទប្រុសអាយុ ៣២ ឆ្នាំមុខរបរកម្មករសំណង់រស់នៅ ក្នុងភូមិបន្ទាយដីក្រោម សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់។ ចំណែកនារីរងគ្រោះ មានឈ្មោះស ហ អាយុ ៥៥ ឆ្នាំ រស់នៅក្នុងភូមិកើតហេតុ។
បច្ចុប្បន្ន ជនសង្ស័យ ត្រូវបាន សមត្ថកិច្ចនគរបាលក្រុងពោធិ៍សាត់ កំពុងកសាងសំណុំរឿងចាត់ការទៅ តាមនិតិវិធី៕
