ភ្នំពេញ៖ ជនជាតិវៀតណាម២នាក់ ឪពុកកូន ត្រូវបានកងកម្លាំងនគរបាលខេត្តពោធិ៍សាត់ ចាប់ខ្លួន និងរឹបអូសឧបករណ៍នេសាទ មួយចំនួន នៅចំនុចមុខព្រែកខ្ញែង ស្ថិតក្នុងភូមិព្រែកក្រ ឃុំដីរនាត ស្រុកបាកាន ខេត្តពោធិ៍សាត់។
យោងតាមស្នងការខេត្តពោធិ៍សាត់ បានឱ្យដឹងថា ជនសង្ស័យទាំង២នាក់រួមមាន៖
១/ ឈ្មោះ តង យហ ភេទប្រុស អាយុ៤៧ឆ្នាំ ជនជាតិ វៀតណាម (ជាឪពុក)
២/ ឈ្មោះ ត យស ភេទប្រុស អាយុ២៣ឆ្នាំ (ត្រូវជាកូន)មានទីលំនៅ ភូមិក្បាលតោល ឃុំកោះជីវាំង ស្រុក ឯកភ្នំ ខេត្តបាត់ដំបង។
ប្រភពដដែលបន្ថែមថា វត្ថុតាង រួមមាន៖ កាណួត ស្មាច់ភ្ជាប់ម៉ាស៊ីន១គ្រឿង មងបីជាន់ប្រវែង ២៥០ម៉ែត្រ ត្រីចំរុះចំនួន ៤០គីឡូក្រាម កណ្ដឹងសំរាប់បំពងសម្លេងបង្អើលត្រី ០២គ្រឿង។
បច្ចុប្បន្ន ជនសង្ស័យទាំង២ នាក់ ត្រូវបានបញ្ជូនទៅសាលាដំបូងខេត្តពោធិ៍សាត់ ៕
