ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកស្រីបណ្ឌិត ពេជ ចន្ទមុន្នី ហ៊ុន ម៉ាណែត នៅថ្ងៃទី១៣ ខែមករា ឆ្នាំ២០២៤នេះ បានអញ្ជើញដឹកនាំ គណៈប្រតិភូ រាជរដ្ឋាភិបាលកម្ពុជា បំពេញទស្សនកិច្ច ផ្លូវការ នៅសាធារណរដ្ឋបារាំង និងចូលរួមវេទិកាសេដ្ឋកិច្ចពិភពលោក នៅសហព័ន្ធស្វីស ចាប់ពីថ្ងៃទី១៣ ដល់ទី១៩ ខែមករា ឆ្នាំ២០២៤។
![](https://dap-news.com/wp-content/uploads/2024/01/IMG_9987-1024x683.jpg)
តាមការឲ្យដឹង ពីលោក មាស សុភ័ណ្ឌ អ្នកនាំពាក្យនាយករដ្ឋមន្ត្រី បានប្រាប់អ្នកសារព័ត៌មាន នៅឯព្រលានយន្តហោះថា សម្តេចធិបតី ហ៊ុន ម៉ាណែត នឹងអញ្ជើញចូលរួមកិច្ចប្រជុំប្រចាំឆ្នាំ២០២៤ របស់វេទិកាសេដ្ឋកិច្ចពិភពលោក (World Economic Forum Annual Meeting 2024) នាថ្ងៃទី១៦-១៧ ខែមករា ឆ្នាំ២០២៤ នៅទីក្រុងដារ៉ូស-ខូស្ទ័រ សហព័ន្ធស្វីស និងអញ្ជើញបំពេញទស្សនកិច្ចផ្លូវការ នៅសាធារណរដ្ឋបារាំង ពីថ្ងៃទី១៨-១៩ ខែមករា ឆ្នាំ២០២៤
តបតាមការ អញ្ជើញ របស់លោកសាស្ត្រាចារ្យ គ្លេស ឆាប់ (Klaus Schwab) ស្ថាបនិក និង ប្រធានប្រតិបត្តិ នៃវេទិកា សេដ្ឋកិច្ចពិភពលោក និងលោក អេម៉ានុយអែល ម៉ាក្រុង (Emmanuel MACRON) ប្រធានាធិបតី នៃសាធារណរដ្ឋបារាំង ។
![](https://dap-news.com/wp-content/uploads/2024/01/IMG_9988-1024x683.jpg)
អ្នកនាំពាក្យរូបនេះ បានឲ្យដឹងទៀតថា មុននឹងបន្តដំណើរ អញ្ជើញទៅចូលរួម “កិច្ចប្រជុំ ប្រចាំឆ្នាំ២០២៤ របស់វេទិកាសេដ្ឋកិច្ច ពិភពលោក (World Economic Forum Annual Meeting 2024) សម្តេចធិបតី ក៏នឹងអញ្ជើញជួបសំណេះសំណាល ជាមួយបងប្អូនសហគមន៍ខ្មែរ រស់នៅទ្វីបអឺរ៉ុប និងអញ្ជើញជាអធិបតី ក្នុងវេទិការធុរកិច្ចអឺរ៉ុប-កម្ពុជា ដែលរៀបចំ ដោយសមាគមធុរកិច្ចបារាំង (MEDEF) និងសភាពាណិជ្ជកម្មកម្ពុជា និងមានជំនួបផ្សេងៗជាច្រើនទៀតជាមួយវិស័យឯកជន៕
![](https://dap-news.com/wp-content/uploads/2024/01/IMG_9990-1024x683.jpg)
![](https://dap-news.com/wp-content/uploads/2024/01/IMG_0007-1024x683.jpg)
![](https://dap-news.com/wp-content/uploads/2024/01/IMG_0008-1024x683.jpg)
![](https://dap-news.com/wp-content/uploads/2024/01/IMG_0002-1024x683.jpg)
![](https://dap-news.com/wp-content/uploads/2024/01/IMG_0003-1024x683.jpg)
![](https://dap-news.com/wp-content/uploads/2024/01/IMG_0006-1024x683.jpg)
![](https://dap-news.com/wp-content/uploads/2020/08/1-1.png)