ភ្នំពេញ៖ រដ្ឋលេខាធិការដា្ឋនកិច្ចការព្រំដែន បានបញ្ជាក់យ៉ាងច្បាស់ៗថា «កោះអាចម៍សេះ» ជារបស់ខ្មែរ ដែលស្ថិតនៅក្នុងសង្កាត់កែប ខេត្តកែប។
ការចេញមកបញ្ជាក់នេះ ធ្វើឡើងបន្ទាប់ពីមានគណនីហ្វេសប៊ុកឈ្មោះអ៊ុក សីលា/ Seila បានសរសេរ និងបង្ហោះខ្លឹមសារ ថា «កោះអាចម៍សេះរបស់ខ្មែរម៉េច Google ដាក់ថាកោះរបស់វៀតណាម ព្រមទាំងភ្ជាប់រូបភាពថតចេញពី Google Map និងរូបថតប៉ុស្ត៍កោះអាចម៍សេះ» ។
តាមរយៈសេចក្ដីបំភ្លឺ របស់រដ្ឋលេខាធិការដ្ឋានកិច្ចការព្រំដែន បានឲ្យដឹងថា កោះអាចម៍សេះ គឺជាកោះមួយដែលមានទីតាំងស្ថិតនៅក្នុងសង្កាត់កែប ក្រុងកែប ខេត្តកែប ដោយមានទីស្នាក់ការប៉ុស្តិ៍នគរបាលការពារព្រំដែនទឹក «ប៉ុស្តិ៍កោះអាចម៍សេះ» ឈរជើងយាម នៅទីនោះ និងមានភ្ញៀវទេសចរចេញចូលទស្សនាកម្សាន្តជាប្រចាំ។
ជាថ្មីម្តងទៀត រដ្ឋលេខាធិការដ្ឋានកិច្ចការព្រំដែន បានប្រាប់ទៅកាន់សាធារណជនជាតិ និងអន្តរជាតិ ថា ផែនដី Google Map មិនមែនជាផែនទីផ្លូវការ ដែលកំណត់ខ្សែបន្ទាត់ព្រំដែនរវាងរដ្ឋ និងរដ្ឋឡើយ។
ចំពោះករណី«កោះអាចម៍សេះ»របស់កម្ពុជា ដែលស្ថិតទឹករបស់ប្រទេសវៀតណាមនោះ រដ្ឋលេខាធិការដ្ឋានកិច្ចការព្រំដែន នឹងធ្វើកិច្ចជាបន្តជាមួយក្រុមហ៊ុន Google Map ដោយផ្ទាល់៕
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
