ស្អែកនេះ សម្តេចធិបតី នឹងអញ្ជើញសម្ពោធមន្ទីរពេទ្យតេជោសែនកោះធំ

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាថ្ងៃទី១៣ ខែមីនា ឆ្នាំ២០២៤នឹងអញ្ជើញជាអធិបតី សម្ពោធមន្ទីរពេទ្យតេជោសែនកោះធំ ។

សូមរំលឹកថា មន្ទីរពេទ្យតេជោសែនកោះធំ មានឈ្មោះដើមមន្ទីរពេទ្យបង្អែកកោះធំ និងជាកន្លែងផ្តល់សេវាពិគ្រោះ និងព្យាបាលជំងឺទូទៅ ជំងឺកុមារ រោគស្ត្រី ជំងឺវះកាត់ និងជំងឺរបេងជាដើម ។ មន្ទីរពេទ្យនេះ ស្ថិតនៅផ្លូវជាតិលេខ២១ ភូមិកំពុងស្វាយក្រោម ឃុំព្រែកថ្មី ស្រុកកោះធំ ខេត្តកណ្តាល៕