បរទេស៖ អ្នកនាំពាក្យគណៈកម្មាធិការអឺរ៉ុបលោក Peter Stano បាននិយាយកាលពីថ្ងៃចន្ទថា សហភាពអឺរ៉ុបបានច្រានចោលការលើកឡើងដែលថា ទីក្រុងគៀវមានអ្វីដែលត្រូវធ្វើជាមួយ ការសម្លាប់រង្គាលនៅសាលមហោស្រព Crocus កាលពីថ្ងៃសុក្រសប្តាហ៍មុន នៅជាយទីក្រុងមូស្គូ។
យោងតាមសារព័ត៌មាន RT ចេញផ្សាយនៅថ្ងៃទី២៥ ខែមីនា ឆ្នាំ២០២៤ បានឱ្យដឹងថា មនុស្សជាង ១៣០នាក់ត្រូវបានសម្លាប់ នៅពេលដែលអ្នកវាយប្រហារ បានចាប់ផ្តើមបាញ់ប្រហារអ្នកចូលរួម ហើយបន្ទាប់មកបានដុតបំផ្លាញ កន្លែងប្រគុំតន្ត្រីនោះ។ ខណៈពេលដែលក្រុមភេរវកររដ្ឋអ៊ីស្លាម Khorasan (ISIS-K) បានអះអាងទទួលខុសត្រូវ, សេវាសន្តិសុខរុស្ស៊ីបានឃាត់ខ្លួនជនសង្ស័យចំនួន ១១ នាក់ រួមទាំងខ្មាន់កាំភ្លើង ដែលត្រូវបានចោទប្រកាន់ចំនួន ៤ នាក់ ដែលបាននាំគ្នាប៉ុនប៉ង ឆ្លងចូលទៅក្នុងប្រទេសអ៊ុយក្រែន។
លោក Stano បានប្រាប់អ្នកយកព័ត៌មាន នៅឯសន្និសីទសារព័ត៌មាននៅទីក្រុង Brussels ថា “មិនមានការចង្អុលបង្ហាញ ឬភស្តុតាងណាមួយដែលថាអ៊ុយក្រែន ត្រូវបានផ្សារភ្ជាប់ទៅនឹងការវាយប្រហារនេះទេ” ។ ប្លុកនេះត្រូវបាន “ព្រួយបារម្ភពីដោយខ្លួនឯង” ដោយការផ្ដល់យោបល់របស់រុស្ស៊ីដែលថា ទីក្រុងគៀវ ប្រហែលជាមានការពាក់ព័ន្ធ។
លោក Stano បានបន្ថែមថា “យើងអំពាវនាវឱ្យអាជ្ញាធររុស្ស៊ី កុំប្រើការវាយប្រហារភេរវកម្ម នៅទីក្រុងមូស្គូជាលេស ឬជាការលើកទឹកចិត្តដើម្បីបង្កើន ការឈ្លានពានខុសច្បាប់ប្រឆាំងនឹងអ៊ុយក្រែន ឬប្រើវាជាលេសសម្រាប់បង្កើន ការគាបសង្កត់ផ្ទៃក្នុងប្រឆាំងនឹង អ្នករិះគន់របបរុស្ស៊ី” ៕
ប្រែសម្រួលៈ ណៃ តុលា
