ភ្នំពេញ ៖ ទីភ្នាក់ងារសហប្រតិបត្តិការ អន្តរជាតិកូរ៉ (KOICA) របស់ប្រទេសកូរ៉េ បានសម្រេចផ្តល់ជំនួយ លើវិស័យសុខាភិបាល មករាជធានីភ្នំពេញ ដោយជួយកសាងមន្ទីរពេទ្យបង្អែកដង្កោ ដើម្បីលើកកម្ពស់សេវាសុខាភិបាល សាធារណៈ ជូនប្រជាពលរដ្ឋកម្ពុជា ពិសេសពលរដ្ឋ នៅខណ្ឌដង្កោតែម្តង។
![](https://dap-news.com/wp-content/uploads/2024/04/photo_2024-04-05_12-50-01-1024x682.jpg)
ពិធីចុះហត្ថលេខាលើ កំណត់ហេតុកិច្ចប្រជុំពិភាក្សា ស្តីពី «គម្រោងលើកកម្ពស់ សេវាសុខាភិបាលសាធារណៈ នៅមន្ទីរពេទ្យបង្អែកដង្កោ រាជធានីភ្នំពេញ» រវាងរដ្ឋបាលរាជធានីភ្នំពេញ និងទីភ្នាក់ងារសហប្រតិបត្តិការអន្តរជាតិកូរ៉ (KOICA)នេះ ត្រូវបានធ្វើឡើងនាព្រឹកថ្ងៃ៥ មេសា នៅសាលារាជធានីភ្នំពេញ រវាងលោក នួន ផារ័ត្ន អភិបាលរងរាជធានីភ្នំពេញ និងលោកស្រីYung Yeon SHIN អនុប្រធានទីភ្នាក់ងារសហប្រតិបត្តិការ អន្តរជាតិកូរ៉ (KOICA) ក្រោមអធិបតីភាពលោក ឃួង ស្រេង អភិបាលរាជធានីភ្នំពេញ ។
![](https://dap-news.com/wp-content/uploads/2024/04/photo_2024-04-05_12-50-05-1024x682.jpg)
លោក ឃួង ស្រេង បានលើកឡើងថា ការសម្រេចឱ្យមានកាសាងសង់ មន្ទីរពេទ្យបង្អែកដង្កោ ក្រោមការជួយឧបត្ដមពី KOICA គឺជាសក្ខីភាពបង្ហាញ ពីការយកចិត្តទុកដាក់ ពីរដ្ឋាភិបាល និងប្រជាជនកូរ៉េ ក្នុងការរួមចំណែកអភិវឌ្ឍន៍កម្ពុជាឲ្យរីកចម្រើន ហើយនេះក៏បង្ហាញឲ្យឃើញពីការរឹតចំណងសាគ្គីភាព ទំនាក់ទំនងនៃប្រទេសទាំងពីរ កាន់តែមានភាពរឹងមាំផងដែរ ។
![](https://dap-news.com/wp-content/uploads/2024/04/photo_2024-04-05_12-50-08-1024x682.jpg)
លោក ឃួង ស្រេង បន្តថា ការសម្រេចជ្រើសរើសយកខណ្ឌដង្កោ ដើម្បីសាងសង់មន្ទីរពេទ្យបង្អែកនេះ គឺដោយសាររដ្ឋបាលរាជធានីភ្នំពេញ បានមើលឃើញថា ទីតាំងនេះល្អ មានរោងចក្រ សហគ្រាស កម្មករ និងប្រជាពលរដ្ឋ ប្រមូលផ្តុំគ្នាច្រើននៅទីនេះ ហើយនៅឆ្នាំ២០២៥ខាងមុខ ព្រលានយន្តហោះថ្មី នៅក្បែរទីតាំងនេះក៏នឹង ត្រូវបើកដំណើរការផងដែរ ដែលធ្វើឲ្យតំបន់នេះ ពោពេញទៅដោយមនុស្សរស់នៅច្រើន ខណៈខណ្ឌដង្កោមានតែមន្ទីរពេទ្យថ្នាក់ជាតិ តែមួយសម្រាប់ព្យាបាលជម្ងឺមហារីក។
![](https://dap-news.com/wp-content/uploads/2024/04/photo_2024-04-05_12-50-12-682x1024.jpg)
លោកស្រីYung Yeon SHIN បានក៏បានលើកឡើងផងដែរថា ទីភ្នាក់ងារសហប្រតិបត្តិការអន្តរជាតិកូរ៉ បានបង្កើតឡើង នៅកម្ពុជាក្នុងឆ្នាំ២០០៣ បានជួយកម្ពុជាចំនួន១៣គម្រោងហើយ ដែលមានទឹកប្រាក់ប្រមាណ ៨៣លានដុល្លារ ហើយគម្រោងសាងសង់អគារមន្ទីរពេទ្យកុមារជាតិ នៅក្នុងឆ្នាំ២០០៥ ក៏ស្ថិតក្នុងគម្រោងនេះផងដែរ ។ សំរាប់ការជួយសាងសង់មន្ទីរពេទ្យបង្អែកដង្កោនេះ គឺជាគម្រោងទី១៤របស់ KOICA ដើម្បីលើកកម្ពស់ សេវាសុខាភិបាលសាធារណៈ ជូនពលរដ្ឋកម្ពុជាឲ្យកាន់តែប្រសើរឡើង ៕
![](https://dap-news.com/wp-content/uploads/2024/04/photo_2024-04-05_12-50-15-682x1024.jpg)
![](https://dap-news.com/wp-content/uploads/2024/04/photo_2024-04-05_12-50-19-1024x682.jpg)
![](https://dap-news.com/wp-content/uploads/2024/04/photo_2024-04-05_12-50-24-1024x682.jpg)
![](https://dap-news.com/wp-content/uploads/2024/04/photo_2024-04-05_12-50-29-1024x682.jpg)
![](https://dap-news.com/wp-content/uploads/2024/04/photo_2024-04-05_12-50-33-1024x682.jpg)
![](https://dap-news.com/wp-content/uploads/2020/08/1-1.png)