ភ្នំពេញ ៖ លោក មុត ចិន្តា នាយកវិទ្យាស្ថាន ពហុបច្ចេកទេសភូមិភាគ តេជោសែនស្វាយរៀង បានអះអាងថា ក្រោយធ្វើតេស្ត វាយតម្លៃសមត្ថភាព បញ្ចប់វគ្គ១ (C1) ១០០% នៃសិក្ខាកាមចំនួន ១២២នាក់ សុទ្ធតែមានការងារធ្វើ និងមួយចំនួនកំពុងហាត់ការ នៅតាមក្រុមហ៊ុន និងសហគ្រាសនានា។
![](https://dap-news.com/wp-content/uploads/2024/05/IMG_1298-1024x682.jpg)
លោក មុត ចិន្តា គូសបញ្ជាក់ថា៖ “ក្នុងចំណោមសិក្ខាកាមទាំង ១២២នាក់ ដែលបានធ្វើតេស្តវាយតម្លៃសមត្ថភាព បញ្ចប់វគ្គបណ្ដុះបណ្ដាលមានសិស្សចំនួន ៨៩នាក់ មានការងារធ្វើ និងចំនួន ៣៣នាក់ កំពុងហាត់ការនៅ តាមក្រុមហ៊ុននានា ដែលនឹងមានការងារ ធ្វើនៅថ្ងៃខាងមុខដែរ”។
![](https://dap-news.com/wp-content/uploads/2024/05/IMG_1299-1024x682.jpg)
នាយកវិទ្យាស្ថានពហុបច្ចេកទេស ភូមិភាគតេជោសែនស្វាយរៀង ដដែលបានលម្អិតថា សិក្ខាកាមដែលទទួលបានការងារ ធ្វើនោះសិក្សាជំនាញការដំឡើង បណ្តាញអគ្គិសនីក្នុងអគារ ជំនាញការថែទាំ និងជួស ជុលរថយន្ត និងជំនាញសេវាកម្មបរិក្ខារ ត្រជាក់ក្នុងគេហដ្ឋាន ដែលជាមធ្យមសិក្ខាកាម ទទួលបានប្រាក់ឈ្នួលដំបូង ជាមធ្យមប្រមាណ យ៉ាងតិច ២០៤ដុល្លារក្នុងមួយខែ ខណៈដែលអ្នកកំពុងហាត់ការ ក៏ទទួលបានជាង ១០០ដុល្លារដែរក្នុងមួយខែ ។
![](https://dap-news.com/wp-content/uploads/2024/05/IMG_1300-1024x682.jpg)
លោកបញ្ជាក់ទៀតថា៖«ពួកគាត់ដែលមានការងារ ធ្វើទទួលបានប្រាក់ខែ គោលចំនួន២០៤ដុល្លារក្នុងមួយខែ បូកនឹងប្រាក់បន្ទាប់បន្សំផ្សេងៗទៀត អាចច្រើនជាងនេះ» ។
![](https://dap-news.com/wp-content/uploads/2024/05/IMG_1301-682x1024.jpg)
សូមរំលឹកថា វិទ្យាស្ថានពហុបច្ចេកទេស ភូមិភាគ តេជោសែនស្វាយរៀង បានធ្វើតេស្តវាយតម្លៃបញ្ចប់វគ្គបណ្ដុះ បណ្ដាលកាលពីថ្ងៃទី១៥ ខែឧសភា ឆ្នាំ២០២៤ដោយមានសិក្ខាកាម ចំនួន សរុប១២២នាក់ ទៅលើមុខជំនាញចំនួន៣ រួមមាន ការដំឡើងបណ្តាញអគ្គិសនី ក្នុងអគារ ការថែទាំ និងជួសជុលរថយន្ត និងសេវាកម្មបរិក្ខារ ត្រជាក់ក្នុងគេហដ្ឋាន បន្ទាប់ពីបើកបវេសនកាល កាលពីអំឡុង ពាក់កណ្តាលខែមករា ឆ្នាំ២០២៤៕
![](https://dap-news.com/wp-content/uploads/2024/05/IMG_1302-682x1024.jpg)
![](https://dap-news.com/wp-content/uploads/2024/05/IMG_1303-1024x682.jpg)
![](https://dap-news.com/wp-content/uploads/2024/05/IMG_1304-1024x682.jpg)
![](https://dap-news.com/wp-content/uploads/2024/05/IMG_1305-1024x682.jpg)
![](https://dap-news.com/wp-content/uploads/2024/05/IMG_1306-1024x682.jpg)
![](https://dap-news.com/wp-content/uploads/2024/05/IMG_1307-1024x682.jpg)
![](https://dap-news.com/wp-content/uploads/2024/05/IMG_1309-1024x682.jpg)
![](https://dap-news.com/wp-content/uploads/2024/05/IMG_1310-1024x682.jpg)
![](https://dap-news.com/wp-content/uploads/2024/05/IMG_1312-1024x682.jpg)
![](https://dap-news.com/wp-content/uploads/2024/05/IMG_1313-1024x682.jpg)
![](https://dap-news.com/wp-content/uploads/2024/05/IMG_1314-1024x682.jpg)
![](https://dap-news.com/wp-content/uploads/2024/05/IMG_1315-1024x682.jpg)
![](https://dap-news.com/wp-content/uploads/2024/05/IMG_1316-1024x682.jpg)
![](https://dap-news.com/wp-content/uploads/2024/05/IMG_1317-1024x682.jpg)
![](https://dap-news.com/wp-content/uploads/2020/08/1-1.png)